Hurting Religious Sentiments । आज देशात बकरी ईदचा सण साजरा करण्यात येत आहे. तर दुसरीकडे मुंबईत या सणाला गालबोट लावण्याचा प्रयत्न करण्यात आला असल्याचे समोर आले आहे. त्याच पार्श्वभूमीवर धार्मिक भावना भडकावल्याप्रकरणी तिघांविरुद्ध गुन्हा दाखल करण्यात आला आहे.

मुंबईतील मांसाहार विक्री करणाऱ्या दुकानाच्या मालकावर बोकडावर ‘राम’ लिहिल्याचा आरोप करण्यात आलाय. याचे फोटो सोशल मीडियावर व्हायरल झाल्यानंतर हिंदू संघटनांनी आरोपींविरुद्ध गुन्हा दाखल केला होता.  त्यानंतर आता पोलिसांनी कारवाई करत मटणाचे दुकान सील केले आहे.

मुंबईतील मांसाहार विक्री करणाऱ्या दुकानाच्या मालकाने हिंदू देवतांचा अपमान केल्याची तक्रार सीबीडी बेलापूर पोलिस ठाण्यात आली होती. यामुळे हिंदूंच्या भावना दुखावल्या गेल्याची तक्रार हिंदू संघटना बजरंग दलाने केली होती. तक्रारीवरून पोलिसांनी दुकानमालकांसह एका कर्मचाऱ्यासह ३ जणांवर गुन्हा दाखल केला.

परवानाही रद्द करण्याची तयारी   Hurting Religious Sentiments ।

पोलिसांनी दिलेल्या माहितीनुसार, ‘दुकानात 22 बकरे कुर्बानीसाठी आणले होते, मात्र त्यातील एका बकऱ्यावर धार्मिक नाव लिहिले होते.’ तक्रारीच्या आधारे पोलिसांनी तीन आरोपींची ओळख पटवली असून मोहम्मद शफी शेख, साजिद शफी शेख आणि कुय्याम यांच्याविरुद्ध गुन्हा दाखल केला आहे. या दुकानाचा परवाना रद्द करण्यासाठी पोलिसांनी मनपा आणि इतर अधिकाऱ्यांकडेही हरकत घेतल्याचे अधिकाऱ्याने सांगितले.

भावना दुखावल्याचा आरोप Hurting Religious Sentiments ।

गेल्या अनेक दिवसांपासून सोशल मीडियावर बकरीचा फोटो मोठ्या प्रमाणात व्हायरल होत होता. या शेळीच्या पाठीवर इंग्रजीत राम लिहिले होते. फोटो शेअर करताना हिंदू संघटनांकडून बकऱ्यावर हे लिहिणाऱ्यावर कारवाई करण्याची मागणी सातत्याने केली जात होती. यामुळे त्यांच्या भावना दुखावल्याचा दावा हिंदू संघटनांनी केला आहे. या पार्श्वभूमीवर पोलिसांनी आता तीन आरोपींवर कारवाई केली आहे.