Tanisha Bhise death story | पुणे शहरातील नामांकित दीनानाथ मंगेशकर रुग्णालय मनिषा भिसे यांच्या मृत्यू प्रकरणामुळे चर्चेत आहे. रुग्णालय प्रशासनाने पैशांच्या हव्यासापोटी उपचारात अडवणकू केल्याने तनिषा भिसे यांना आपला जीव गमवावा लागला आहे. यानंतर आता रुग्णालय प्रशासनाविरोधात सर्वच स्तरातून तीव्र संताप व्यक्त केला जात आहे.

पैशांअभावी रुग्णालयाच्या गेटवरुनच गर्भवतीला परत पाठवल्याने आणि ऐनवेळी रुग्णवाहिका मिळू न शकल्याने महिलेचा नाहक बळी गेला आहे.. या धक्कादायक घटनेनंतर मृत तनिषा भिसे यांच्या नंदेने पोलिसांमध्ये तक्रार दाखल केली असून, त्यांनी एका वाहिनीला दिलेल्या मुलाखतीत संपूर्ण घटनाक्रम सांगितला आहे.

दीनानाथ मंंगेशकर रुग्णालयात सकाळी नऊ वाजता तनिषा भिसे यांना आणण्यात आले. त्यांचा बीपी चेक करण्यात आला. त्यानंतर बीपी हायर साईडल असल्याने डॅाक्टरांनी नवीन इमारतीतील तिसऱ्या मजल्यावर नेण्यास सांगितले. काही खाऊ नका, थोडी क्रिटीकरल परिस्थिती आहे. आपल्याला सिझर करावं लागू शकतं, असं डॅाक्टरांनी त्यांना सांगितलं. त्यानंतर हॅास्पिटलचा ड्रेस चेंज करायला दिला. यानंतर डॅाक्टारांनी तातडीने सिझर करायला लागेल असं सांगितलं.

प्रीमॅच्युअर डिलीव्हरी करायला लागेल, बाळांना सातव्या महिन्यामुळे NICU मध्ये ठेवावं लागेल. NICU चा खर्च प्रत्येक बाळाचा दहा-दहा लाख रुपये आहे. तुम्हाला आता 20 लाख रुपये भरावे लागतील, असं डॅाक्टर म्हणाल्यानंतर आम्ही त्यांना १० लाखांची विनंती केली. ती त्यांनी मान्य करत तुम्हाला जमत नसेल तर जवळच ससून रूग्णाल आहे, तुम्ही तिथे जाऊ शकता, तिथे उपचार चांगले होतात, असं डॅाक्टरांनी सांगितलं.

वहिनीने २० लाखाच टेन्शन घेतलं अन् 

तिचं ब्लडिंग होत आहे, तिची मानसिक अवस्था ठीक नाही, पोटात असह्य वेदना होत आहे, या गोष्टी माहिती असून देखील ही गोष्ट त्यांनी  माझ्या वहिनीसमोर सांगितली. त्यानंतर ते तिथून निघून गेले. वहिनी लॅाबीत जाऊन रडत बसली. आम्ही त्यांना सांगितलं, की पैशांची व्यवस्था आम्ही करतो, तुम्ही उपचार सुरु करा, आयव्ही लावा, ब्लिडिंग थांबवा, तुमाच्याकडे ब्लिडिंग थांबवण्याची गोळी असेल तर ती द्या खायला. पण त्यांनी उपचार सुरू केले नाहीत, असा आरोप मनिषा यांच्या नंदेने केला आहे. आम्ही म्हणालो उपचार सुरू करा. वहिनींच्या मनाला तरी समाधान मिळेल, त्यांनी हेच टेन्शन घेतलं की 20 लाख रुपये आणणार कुठून? हा संपूर्ण घटनाक्रम तनिषा यांच्या नंदेने सांगितला.