Pune News : पुण्यातील येरवडा भागातील शास्त्री चौकात भरदुपारी रस्त्याच्या कडेला मानवी सांगाडा सापडल्याची माहिती समोर आल्याने सर्वत्र मोठी खळबळ उडाली. या घटनेची माहिती तातडीने पोलिसांना देण्यात आली. यानंतर पोलिसांनी धाव घेत घटनास्थळी हजर झाले. मात्र, पोलिसांनी तपास केल्यानंतर हा सांगडा मानवी सांगाडा नसून प्लास्टर अॅाफ पॅरिसपासून तयार केलेला कृत्रिम सांगडा असल्याचे समोर आलं आहे.

नेमकं काय घडलं? 

शहरातील रहदारीच्या येरवड्यातील नगर रस्त्यावरील एका लॅाजसमोर मानवी सांगडा पडल्याची माहिती मिळाली. यानंतर काही काळ येथील वातावरण गोंधळाचं बनलं होतं. माणसाचा सांगाडा असल्याची सर्वत्र खबर वाऱ्यासारखी पसरले आणि मोठा गोंधळ उडाला होता. यामुळे नागरिकांमध्ये भीती पसरली होती.

पोलिसांकडून आवाहन

त्यानंतर पोलिसांच्या गाड्या व कर्मचारी घटनास्थळी दाखल झाले. पोलिसांनी पाहणी केली असता प्रयोगशाळेत वापरण्यासाठी आर्टिफिशियल सांगाडा असल्याचे स्पष्ट झाले. पोलिसांनी सांगडा ताब्यात घेतला असून, पुढील कारवाई करण्यात येत आहे. या प्रकरणी कोणतीही खोटी माहिती पसरवू नये असं आवाहन पोलिसांकडून करण्यात आलं आहे.

हेही वाचा : अमेरिकेतील ५.५ कोटी व्हिसाधारकांवर टांगती तलवार ! नियमांचे उल्लंघन केल्यास रद्द होणार व्हिसा ; भारतालाही बसणार फटका ?