हृतिक रोशन आणि दीपिका पदुकोण स्टारर चित्रपट फायटर सध्या चर्चेत आहे. हा चित्रपट 25 जानेवारीला थिएटरमध्ये रिलीज होणार आहे. या चित्रपटाबद्दल प्रेक्षकांमध्ये चांगलीच चर्चा रंगली आहे. प्रेक्षक या चित्रपटाची आतुरतेने वाट पाहत आहेत. नुकताच या चित्रपटाचा टीझर प्रदर्शित करण्यात आला. ज्याला खूप पसंती दिली जात आहे.

या चित्रपटात दीपिका पदुकोण आणि हृतिकची केमिस्ट्री पहिल्यांदाच पाहायला मिळणार आहे, ज्याची चाहत्यांना खूप उत्सुकता आहे. निर्मात्यांनी ‘फायटर’ चित्रपटातील गाणीही रिलीज केली असून त्यांना चांगला प्रतिसाद मिळत आहे. या चित्रपटात हृतिक रोशन आणि दीपिका पदुकोणशिवाय अनिल कपूर, करण सिंग ग्रोव्हर आणि अक्षय ओबेरॉय दिसणार आहेत.

प्रेक्षकांना चित्रपटाबद्दल अधिकाधिक जाणून घ्यायचे आहे. अशा परिस्थितीत आम्ही तुम्हाला स्टारकास्टच्या फीबद्दल सांगणार आहोत. फायटरमध्ये काम करणार्‍या या स्टार्सना किती फी मिळाली आहे ते जाणून घेऊया.

हृतिक रोशन –
फायटर या चित्रपटात हृतिक रोशन मुख्य भूमिकेत आहे. तो स्क्वाड्रन लीडर समशेर पठानियाची भूमिका साकारताना दिसत आहे. हृतिक रोशन याने या चित्रपटासाठी 50 कोटी रुपये घेतले आहे.

दीपिका पदुकोण –
या चित्रपटात दीपिका पदुकोणही दिसणार आहे. या चित्रपटासाठी अभिनेत्रीने 15 कोटी रुपये घेतले आहेत. दीपिका या चित्रपटात स्क्वाड्रन लीडर मीनल राठौरची भूमिका साकारत आहे. या चित्रपटात दीपिकाची जबरदस्त स्टाइल पाहायला मिळत आहे. 2023 हे वर्ष अभिनेत्रीसाठी खूप चांगले वर्ष ठरले आहे. ती गेल्या वर्षी शाहरुख खानच्या पठाण आणि जवानमध्ये दिसली होती.

अनिल कपूर –
बॉलिवूड अभिनेता अनिल कपूर नुकताच ‘अॅनिमल’मध्ये दिसला. या चित्रपटातील त्यांची व्यक्तिरेखा खूप आवडली होती. आता तो फायटरमध्ये दिसणार आहे. या चित्रपटात तो हृतिक आणि दीपिकाच्या सीनियर म्हणजेच ग्रुप कॅप्टन राकेश जयसिंगची भूमिका साकारताना दिसणार आहे. या चित्रपटासाठी अभिनेत्याने 5 ते 7 कोटी रुपये घेतले आहेत.