Virat Kohli Retirement from Test Cricket : विराट कोहली हा नेहमीच चर्चेत असलेला सेलिब्रेटी आहे, पण आज तो कसोटी क्रिकेटमधून निवृत्ती घेतल्यानंतर पुन्हा एकदा चर्चेत आहे. क्रिकेटच्या जगात आपला ठसा उमटवू इच्छिणाऱ्या सर्व तरुणांसाठी विराटची कहाणी एक उदाहरण आहे. आज आपण त्याच्या आणि त्याच्या शिक्षणाबद्दल जाणून घेऊया.

विराट कोहलीचा जन्म ५ नोव्हेंबर १९८८ रोजी दिल्लीतील उत्तम नगर येथील एका पंजाबी कुटुंबात झाला. त्यांचे वडील प्रेम कोहली वकील होते आणि आई सरोज कोहली गृहिणी होत्या. विराटच्या कुटुंबात मोठा भाऊ विकास कोहली आणि बहीण भावना कोहली आहेत. विराट कोहलीने दिल्लीतच शिक्षण घेतले. त्याने आपले शालेय शिक्षण दिल्लीतील पश्चिम विहार येथील विशाल भारती पब्लिक स्कूलमधून पूर्ण केले. तो अभ्यासात ठीक होता, पण त्याची खरी आवड क्रिकेट होती.

वयाच्या ९ व्या वर्षी प्रशिक्षण सुरू केले –

Overall, Virat Kohli finished as fourth-highest run-getter for India in Tests, scoring 9230 runs from 123 Tests at an average of 46.85, hitting 30 hundreds and 31 fifties, bringing the curtains down on a glorious career. 🫡 🙌#TeamIndia | #ViratKohli | @imVkohli pic.twitter.com/vTJiKnBYvG

— BCCI (@BCCI) May 12, 2025

विराट कोहली त्याच्या बालपणी तीन वर्षांचा असताना प्लास्टिकच्या बॅटने खेळायचा आणि त्याचे वडील त्याचे पहिले प्रशिक्षक होते. त्याची क्रिकेटची आवड पाहून, त्याच्या वडिलांनी त्याला वयाच्या ९ व्या वर्षी पश्चिम दिल्ली क्रिकेट अकादमीमध्ये दाखल केले. तो सकाळी लवकर उठून प्रशिक्षणासाठी आणि रात्री उशिरापर्यंत सराव करत असे. जिथे त्याचे प्रशिक्षक राजकुमार शर्मा यांनी त्याला क्रिकेटचे बारकावे शिकवले. विराट क्रिकेट खेळण्यात इतका रमला की त्याने फक्त १२ वी पर्यंतच शिक्षण घेतले.

हेही वाचा – Virat Kohli Retirement : ‘लोकं तुझ्या यशाबद्दल बोलतील, पण मला तुझे अश्रू…’, विराटच्या निवृत्तीनंतर अनुष्काची भावुक पोस्ट

२००२ मध्ये १४ वर्षांखालील गटात निवड –

त्यानंतर त्याने क्रिकेटसाठी शिक्षण सोडले. जरी हा निर्णय त्याच्यासाठी सोपा नव्हता, कारण त्याच्या कुटुंबात शिक्षणाला खूप महत्त्व दिले जात होते, परंतु त्याच्या वडिलांनी त्याला पाठिंबा दिला आणि अशा प्रकारे विराट कोहली पूर्णपणे क्रिकेट खेळण्यावर लक्ष केंद्रित करू लागला. एका मीडिया रिपोर्टमध्ये असे म्हटले आहे की, विराटने दिल्लीच्या ज्युनियर संघात स्थान मिळवल्यानंतर शिक्षण सोडण्याचा निर्णय घेतला. दहावी उत्तीर्ण झाल्यानंतर, त्याने बारावीपर्यंत शिक्षण सुरू ठेवले, परंतु क्रिकेट सराव आणि स्पर्धांमुळे तो शाळेत जास्त वेळ देऊ शकला नाही.

Illustrious legacy 🇮🇳
Inspiring intensity 👏
Incredible icon ❤️

The Former #TeamIndia Captain gave it all to Test Cricket 🙌

Thank you for the memories in whites, Virat Kohli 🫡#ViratKohli | @imVkohli pic.twitter.com/febCkcFhoC

— BCCI (@BCCI) May 12, 2025

विराटने एका मुलाखतीत सांगितले होते की, त्याच्या वडिलांना त्याच्या प्रतिभेवर विश्वास असल्याने त्याने क्रिकेटवर लक्ष केंद्रित करावे अशी त्यांची इच्छा होती. २००२ मध्ये वयाच्या १४ व्या वर्षी दिल्लीच्या अंडर-१४ संघात निवड झाल्यानंतर विराट कोहलीचे नशीब बदलले. या काळात, त्याच्या फलंदाजीमुळे त्याला लवकरच अंडर-१६ आणि अंडर-१९ संघात स्थान मिळाले. त्याच्या नेतृत्वाखाली भारताने २००८ मध्ये मलेशियामध्ये १९ वर्षांखालील विश्वचषक जिंकला, त्यानंतर बीसीसीआयने त्याला वरिष्ठ संघात संधी दिली.

हेही वाचा – Virat Kohli Retirement : विराट कोहलीच्या १४ वर्षांच्या कसोटी कारकिर्दीतील ५ अविस्मरणीय इनिंग्स

विराटने ऑगस्ट २००८ मध्ये श्रीलंकेविरुद्ध एकदिवसीय सामन्यात पदार्पण केले. सुरुवातीला तो राखीव फलंदाज होता, परंतु लवकरच त्याने मधल्या फळीत आपले स्थान पक्के केले. २०११ मध्ये त्याने वेस्ट इंडिजविरुद्ध कसोटी पदार्पण केले. यानंतर, त्याने कधीही मागे वळून पाहिले नाही आणि कसोटी, एकदिवसीय आणि टी-२० मध्ये अनेक विक्रम प्रस्थापित केले.

२००६ मध्ये, वडीलांची साथ सुटली –

विराटच्या आयुष्यात अनेक चढ-उतार आले. एक वेळ अशी आली जेव्हा त्याने त्याचे वडील गमावले. डिसेंबर २००६ मध्ये, त्याच्या वडिलांचे वयाच्या ५४ व्या वर्षी ब्रेन स्ट्रोकने निधन झाले. त्यावेळी विराट फक्त १८ वर्षांचा होता आणि तो रणजी ट्रॉफीमध्ये कर्नाटक विरुद्ध दिल्लीकडून खेळत होता. वडिलांच्या निधनानंतरही, विराटने त्या सामन्यात ९० धावा करून आपल्या संघाला पराभवापासून  वाचवले.