Ravindra Dhangekar : पुणे शहरातील गुन्हेगारीने डोकं पुन्हा एकदा वर काढल्याचं चित्र आहे. गुन्हेगारांना कायद्याचा धाक उरला आहे का? असा प्रश्न घडलेल्या घटनांमुळे उपस्थित करण्यात येत आहे. शहरातील वाढती गुन्हेगारी चिंतेचा विषय बनली आहे. या सगळ्यात पुण्यातील कुख्यात गुंड निलेश घायवळ नावात बदल करून तयार करण्यात आलेल्या पासपोर्टच्या आधारे लंडनला पसार झाला आहे. यामुळे त्याला पासपोर्ट कसा मिळाला? नीलेश घायवाळ याच्यावर कोणाचा राजकीय वरदहस्त होत का? असा प्रश्न यानिमित्ताने उपस्थित झाला आहे. अशातच शिंदे सेनेचे नेते माजी आमदार रवींद्र धंगेकर यांनी मंत्री चंद्रकांत पाटील यांच्यावर अत्यंत गंभीर आरोप करत एकच खळबळ उडवून दिली आहे. पुण्यातील कोथरुड विधानसभेचे आमदार मंत्री चंद्रकांत पाटील यांच्या अॅाफिसमधील पाटील नावाची व्यक्ती आहे. तो चंद्रकांत पाटील यांचं काम बघतो. त्याच्या मोबाईलमधील नंबर आहेत. त्याची चेकिंग पोलिसांनी केली पाहिजे, असं धंगेकर म्हणाले आहेत. घायवाळ आणि तो किती वेळा बोलला अन् दादांना किती वेळा निरोप गेला याची सगळी माहिती पोलिसांना मिळेल, पण सत्ता आहे सत्तेत पोलिस काही करत नाही. ही वस्तुस्थिती असल्याचे म्हणत रवींद्र धंगेकर यांनी चंद्रकांत पाटील यांच्यावर निशाणा साधला आहे. तसेच पोलिसांनी ठरवलं तर घावयाळ नस्तेनाबूत होईल, पण पोलिसांनी ठरविण्यासाठी ज्याच्यावर ज्यांचा अंकुश आहे त्यांनी ही वाढलेली पिलावळ आहे, त्यांचा तपास करावा. असंही धंगेकर म्हणाले आहेत. त्यांनी केलेल्या खळबळजनक दाव्यामुळे राजकारण तापलं आहे. तसेच धगंकरांनी गौतमी पाटील हिच्या गाडीने रिक्षाला मागून येऊन धडक होऊन झालेल्या अपघाताविषयी देखील भाष्य केलं. गौतमी पाटीलच्या गाडीच्या अपघात प्रकरणात ज्या पद्धतीने तपास व्हायला पाहिजे त्या पद्धतीने तपास होत नाही, असा आरोप धंगेकरांनी केला केला आहे. हेही वाचा : दिल्लीत दोन परदेशी प्रशिक्षकांसह सहा जणांवर श्वानाचा हल्ला ! “देशाची बदनामी होतीय, याला जबाबदार कोण?” ; भाजप नेत्याचा प्रश्न
