Sudeep : असा चित्रपट करायला धाडस लागतं! ‘टॅाक्सिक’वर होणाऱ्या ट्रोलिंगवर ‘मक्खी’फेम अभिनेत्याने दर्शवला सपोर्ट
Sudeep : तर काही कलाकारांनी पाठिंबाही दर्शवला आहे. कन्नड चित्रपट सृष्टीतील सुपरस्टार सुदीप यांनी यशच्या टॅाक्सिकला पाठिंबा दर्शवला आहे.
Sudeep : ‘टॅाक्सिक’ चित्रपट प्रदर्शित झाल्यानंतर बहुतांशी प्रक्षेकांच्या प्रतिक्रिया नकारात्मक येत आहेत. यशचे चाहते या चित्रपटाची आतुरतेने वाट पाहत होते, मात्र चाहत्यांच्या पदरी निराशा पडली आहे. तब्बल पाचशे कोटींच्या बजेटमध्ये तयार झालेला हा चित्रपट बॅाक्स अॅाफिसवर बंपर ओपनिंग देणारा ठरला असली तरी मनोरंजन विश्वातून अनेकांनी चित्रपटावर टीका केली आहे. तर काही कलाकारांनी पाठिंबाही दर्शवला आहे. कन्नड चित्रपट सृष्टीतील सुपरस्टार सुदीप यांनी यशच्या टॅाक्सिकला पाठिंबा दर्शवला आहे.
सुदीप यांच्या मते यशने केलेला नाविन्यपूर्ण प्रयत्न मनापासून कौतुकास पात्र आहे. आपल्या ट्विटर हँडलवर (X) यशला टॅग करत सुदीपने एक ट्वीट शेअर केले आहे. या ट्वीटमध्ये अभिनेत्याने लिहिले, जेव्हा एखादा स्टार इतके मोठे यश मिळवतो, तेव्हा ते अनेकदा त्याच जुन्या सूत्रावर आधारित चित्रपटांकडे परततात, परंतु यशने त्याऐवजी पूर्णपणे नवीन आणि चौकटीबाहेरचा प्रयत्न करण्याचे धाडस दाखवले. इतका मोठा प्रोजेक्ट कोणत्याही भीतीशिवाय लोकांसमोर आणण्यासाठी दृढनिश्चय आणि सर्वात महत्त्वाचे म्हणजे धाडस आवश्यक असते, अशा शब्दांत सुदीपने यशचे कौतुक केले आहे.
Toxic First Song Tabaahi:
सुदीपने’टॉक्सिक’चे वर्णन एक अद्वितीय आणि खरोखरच कौतुकास्पद केले आहे. चित्रपटातील अनेक भाग विचार करायला लावणारे आणि उत्सुकता वाढवणारे आहेत. अशी दृश्ये आणि प्रयोग प्रेक्षक आणि चित्रपटसृष्टीमध्ये वादविवाद, चर्चा आणि शिकण्याची एक मौल्यवान संधी उपलब्ध करून देतात. चित्रपटांमध्ये नावीन्य तेव्हाच येते, जेव्हा मोठे स्टार्स रूढी तोडून काहीतरी नवीन करण्याचा धाडसी प्रयत्न करतात. शेवटी, त्याने यशच्या धाडसी निर्णयाला सलाम केला आणि त्याला शुभेच्छा दिल्या.
Just want to say this, @TheNameIsYash — you’ve genuinely tried something out of the box rather than taking the predictable route of making another regular, expected, formulaic follow-up to your previous commercial blockbuster.
It takes a different mindset, conviction, and most…
— Kichcha Sudeepa (@KicchaSudeep) August 28, 2026
राष्ट्रीय पुरस्कार विजेत्या दिग्दर्शिका गीतू मोहनदास यांनी टॅाक्सिक या बिग बजेट चित्रपटाचे दिग्दर्शन केले आहे. या चित्रपटातून यशने मोठ्या पडद्यावर तब्बल चार वर्षांनंतर कमबॅक केले आहे. मात्र, चित्रपटाची मांडणी आणि कथाकथनावरून सोशल मीडियावरही मतभेद आहेत. अशा परिस्थितीत सुदीपने यशच्या टॅाक्सिकला पाठिंबा दर्शवला आहे.
२६ अॅागस्टला टॅाक्सिक प्रदर्शित झाला. या चित्रपटाने पहिल्या दोन दिवसात बॉक्स ऑफिस दणाणून सोडले. मीडिया रिपोर्टनुसार, यशच्या चित्रपटाने पहिल्या दोन दिवसात भारतात १३८.७५ कोटींची निव्वळ कमाई केली. जगभरातील त्याची एकूण कमाई दोन दिवसांत २२१.४५ कोटींच्या पुढे गेली आहे. सुरुवातीच्या आकडेवारीवरून हे स्पष्ट होते की, प्रेक्षक मोठ्या संख्येने चित्रपटगृहांकडे गर्दी करत आहेत आणि चित्रपट बॉक्स ऑफिसवर आपली पकड घट्ट ठेवत आहे.
५०० कोटींच्या बजेटवर नजर
सुमारे ५०० कोटी रुपयांच्या मोठ्या बजेटमध्ये बनलेल्या या चित्रपटासाठी वीकेंड महत्त्वाचा मानला जात आहे. शुक्रवारच्या कमाईनंतर, शनिवार आणि रविवारचा व्यवसाय हा चित्रपट सुरुवातीची गती कायम ठेवू शकतो की नाही हे ठरवेल.
