Pune Ganesh Visarjan 2024 | पुण्यातील मानाचा तिसरा गुरुजी तालीम गणपतीचे विसर्जन झाले आहे. दुसऱ्या श्री तांबडी जोगेश्वरी गणपतीच्या विसर्जनानंतर आता गुरुजी तालीम गणपतीला देखील मोठ्या थाटात विसर्जन करण्यात आले. ‘गणपती बाप्पा मोरया’, ‘पुढच्या वर्षी लवकर या’च्या जय घोषात सायंकाळी 6 वाजून 44 मिनिटांंनी बाप्पाला निरोप देण्यात आला.

दरवर्षीप्रमाणे गुलालाची उधळण, गुलाबी झालेले सगळे कार्यकर्ते, ढोल ताशांचा जोरदार गजर अशा उत्साहपूर्ण वातावरणात पुण्याचा राजा मानाचा तिसरा गुरुजी तालीम मंडळाच्या मिरवणुकीला जल्लोषात सुरुवात झाली. नादब्रह्म ढोल ताशा पथकाने आकर्षक वादन करत भाविकांचे लक्ष वेधून घेतले होते.

दरम्यान, पहिल्या श्री कसाब गणपतीचे विसर्जन झाल्यानंतर दुसऱ्या श्री तांबडी जोगेश्वरी गणपतीचे थाटात विसर्जन करण्यात आले. तांबडी जोगेश्वरी गणपतीचे विसर्जन 5 वाजून 12 मिनिटांनी करण्यात आले. तर पुण्याच्या पतंगा घाटावर आरती करून कसबा गणपतीचे विसर्जन करण्यात आले. पहिल्या मानाच्या गणपतीचे विसर्जन 4.35 मिनिटांनी झाले.