Hindi Protest In Tamil Nadu ।  तामिळनाडूमध्ये हिंदीवरून केंद्र आणि राज्य सरकार आमनेसामने आहेत. गेल्या काही दिवसांपासून, तामिळनाडूतील अनेक पक्ष आणि राजकारणी केंद्र सरकारवर राष्ट्रीय शिक्षण धोरणाद्वारे तामिळनाडूमध्ये हिंदी सक्तीची करून तमिळ भाषेचे नुकसान करण्याचा प्रयत्न करत असल्याचा आरोप करत आहेत. तामिळनाडूचे मुख्यमंत्री एमके स्टॅलिन यांनी स्वतः या मुद्द्यावर ‘करो या मरो’ अशी भूमिका घेतली आहे. त्यांनी अनेक सार्वजनिक व्यासपीठांवरून हिंदीला आपला विरोध व्यक्त केला आहे.

अलिकडेच, केंद्राच्या शिक्षण धोरणाची आणि तामिळनाडूच्या शिक्षण व्यवस्थेची तुलना करताना, त्यांनी एलकेजीचा विद्यार्थी पीएचडी धारकाला व्याख्यान देऊ शकत नाही.” असे म्हटले होते. त्यांच्या या टीकेला आता गृहमंत्री अमित शहा यांनी सडेतोड उत्तर दिले आहे.

स्टॅलिन यांनी तमिळ भाषेच्या विकासाबाबत पुरेसे काम केले नाही Hindi Protest In Tamil Nadu । 
अमित शहा यांनी , एमके स्टॅलिन यांनी तमिळ भाषेच्या विकासाबाबत पुरेसे काम केले नाही”असा असा दावा त्यांनी केला आहे. तसेच पंतप्रधान नरेंद्र मोदी यांच्या सरकारने प्रादेशिक भाषांच्या विकासासाठी भरती धोरणांमध्ये महत्त्वपूर्ण बदल केले आहेत.अशी माहिती देखील त्यांनी यावेळी दिली.

शाह म्हणाले, ‘आतापर्यंत केंद्रीय सशस्त्र पोलिस दल (CAPF) भरतीमध्ये मातृभाषेला स्थान नव्हते. पंतप्रधान मोदींनी निर्णय घेतला आहे की आपले तरुण आता आठव्या अनुसूचीमध्ये समाविष्ट असलेल्या सर्व भाषांमध्ये CAPF परीक्षा देऊ शकतील, ज्यामध्ये तामिळ भाषा देखील समाविष्ट आहे. मी तामिळनाडूच्या मुख्यमंत्र्यांनाही तामिळ भाषेत वैद्यकीय आणि अभियांत्रिकी अभ्यासक्रम लवकरात लवकर सुरू करण्यासाठी पावले उचलण्याची विनंती करू इच्छितो.” असे त्यांनी म्हटले.

स्टॅलिन काय म्हणाले? Hindi Protest In Tamil Nadu । 
स्टॅलिन यांनी केंद्र सरकारवर राष्ट्रीय शिक्षण धोरण (एनईपी) द्वारे हिंदी लादण्याचा प्रयत्न केल्याचा आरोप केला. त्यांनी भाजपच्या प्रयत्नांना तामिळनाडूच्या भाषिक ओळखीसाठी म्हणजेच तमिळसाठी धोका असल्याचे वर्णन केले. स्टॅलिन म्हणाले, ‘आम्ही आमचे काम करत होतो पण केंद्रीय शिक्षणमंत्र्यांनी आम्हाला पत्र लिहिण्यास उद्युक्त केले. त्याने संपूर्ण राज्यावर हिंदी लादण्याची धमकी दिली. आता तो कधीही जिंकू शकणार नाही अशी लढाई पुन्हा सुरू करण्याचे परिणाम भोगत आहे.

ते म्हणाले की, एनईपीद्वारे केंद्राने २०३० पर्यंत जे साध्य करण्याचे उद्दिष्ट ठेवले होते ते तामिळनाडूने आधीच साध्य केले आहे. हे जणू काही एलकेजीचा विद्यार्थी पीएचडी धारकाला व्याख्यान देतो. द्रविड लोक दिल्लीकडून सूचना घेत नाहीत. त्याऐवजी, ते राष्ट्रासाठी एक मार्ग निश्चित करते.