सातारा, (प्रतिनिधी)- येथील दीपलक्ष्मी नागरी सहकारी पतसंस्थेतर्फे रविवारी दि. 9 रोजी सायंकाळी 5.30 वाजता जीवन गाणे गातच राहावे, या हिंदी, मराठी गीतांचा कार्यक्रम दीपलक्ष्मी सांस्कृतिक हॉलमध्ये आयोजित केला आहे.

या कार्यक्रमास प्रमुख पाहुणे म्हणून उद्योजक व मासचे माजी अध्यक्ष राजेश कोरपे, चार्टर्ड अकाउंटंट संजय सोमण, मसाप पुण्याचे कार्यवाह शिरीष चिटणीस, पतसंस्थेचे व्यवस्थापक विनायक भोसले आणि इतर मान्यवर उपस्थित राहणार आहेत. या कार्यक्रमामध्ये सुजाता दरेकर व श्वेता जाधव रसिक श्रोत्यांसाठी गाणी सादर करणार आहेत.

या कार्यक्रमाची संकल्पना व नियोजन सुजाता दरेकर यांचे आहे. कार्यक्रमास कुलदीप पवार यांची ध्वनी व्यवस्था लाभली आहे. सातारकर रसिक श्रोत्यांनीया गीत मैफिलीचा आस्वाद घ्यावा, असे आवाहन संस्थेचे व्यवस्थापक विनायक भोसले यांनी केले आहे.