शिमला  – हिमाचलात झालेल्या तुफानी बर्फवृष्टीमुळे तेथील सामान्य जनजीवन विस्कळीत झाले आहे. तेथील चार राष्ट्रीय महामार्गांसह १३४ रस्ते बंद करण्यात आले आहेत. आदिवासी भाग आणि इतर उंच भागात या वर्षातील पहिली मोठी हिमवृष्टी झाली आहे.
मंगळवार रात्रीपासून अधूनमधून हिमवृष्टी सुरूच आहे आणि स्थानिक हवामान खात्याने ३१ जानेवारी आणि १ फेब्रुवारी रोजी काही ठिकाणी मुसळधार बर्फ आणि पावसाची शक्यता वर्तवण्यात आल्याने आणखी बर्फ पडण्याची शक्यता आहे.

बर्फवृष्टी आणि मुसळधार हिमवृष्टमुळे शेतकरी, आणि भाजीपाला उत्पादकांना मात्र लाभ होणार आहे कारण कोरड्या वातावरणामुळे त्यांच्या कृषी उत्पादनांवर विपरीत परिणाम होण्याची शक्यता होती. रब्बी पिकांसाठी हा पाऊस फायदेशीर ठरण्याची शक्यता आहे, असे कृषी विभागाच्या प्रवक्त्याने सांगितले. दीर्घ प्रलंबीत हिमवृष्टीमुळे पर्यटकांच्या आगमनाला चालना मिळण्याची शक्यता असल्याने पर्यटन आणि संबंधित उद्योगांचे भागधारकही उत्साही आहेत.

हिमवृष्टीमुळे पर्यटकांची संख्या वाढेल आणि आम्हाला येत्या काही दिवसांत चांगला व्यवसाय होण्याची आशा आहे, असे एका स्थानिक हॉटेल व्यावसायिकाने सांगितले. मनाली, डलहौसी, सांगला, नारकंडा आणि कुफरी या प्रमुख पर्यटन रिसॉर्ट्समध्ये मध्यम हिमवृष्टी झाली तर मध्य आणि सखल टेकड्यांवर पाऊस पडला ज्यामुळे सकाळच्या वेळी काही ठिकाणी थंडीची लाट कायम राहिली आणि काही ठिकाणी दाट धुके पडले.

लाहौल आणि स्पीतीमधील कुमुमसेरीमध्ये 14.2 सेमी, खडराला 14 मिमी, भरमौरमध्ये 8.6 सेमी, सांगला आणि शिलारूमध्ये प्रत्येकी 5 सेमी, सुमधो 4.8 सेमी, कोकसरमध्ये 2.5 सेमी, तर चंबामधील सलोनीमध्ये 25.2 मिमी, रामपूरमध्ये 25.2 मिमी, रामपूरमध्ये 21 मिमी पाऊस पडला.

राज्य आपत्कालीन ऑपरेशन केंद्रानुसार लाहौल आणि स्पिती जिल्ह्यात जास्तीत जास्त १२० रस्ते बंद आहेत आणि राज्यात सुमारे ४०० ट्रान्सफॉर्मर विस्कळीत झाले आहेत. कुकुमसेरी येथे रात्रीचे किमान तापमान उणे २.८ अंश सेल्सिअस, नारकंडा येथे उणे १.३ अंश, कल्पा उणे १.२ अंश, कुफरी ०.१ अंश, डलहौसी 1 अंश, तापमान नोंदवले गेले.