Disha Salian : अभिनेता सुशांत सिंग राजपूतची मॅनेजर दिशा सालियन प्रकरणात तिचे वडील सतीश सालियन यांनी मुंबई उच्च न्यायालयात धाव घेतली आहे. त्यांनी त्यांच्या मुलीच्या प्रकरणाची पुनर्तपासणी करण्याची मागणी केली आहे. त्यांनी न्यायालयाला विनंती केली आहे की, हे प्रकरण सीबीआयकडे सोपवावे. एवढेच नाही तर आपल्या मुलीवर सामूहिक बलात्कार झाल्याचा दावाही त्यांनी केला आहे. त्यानंतर त्याची हत्या करण्यात आली.

सतीश सालियन यांनी आदित्य ठाकरे, अभिनेता सूरज पांचोली आणि दिनो मोरिया यांच्यावर गंभीर आरोप केले आहेत. मुंबई पोलिसांनी सत्य लपवण्याचा प्रयत्न केला आहे असेही त्यांनी म्हटले आहे. दिशा सालियन मृत्यू प्रकरणाचा नेमका घटनाक्रम काय आहे? ते आपण सविस्तर जाणून घेऊयात.

दिशा सालियन मृत्य प्रकरणाचा घटनाक्रम

८ जून २०२० – मुंबईतील मालाड येथे १४ व्या मजल्यावरून पडून दिशा सालियनचा मृत्यू झाला. मुंबई पोलिसांनी याला आत्महत्या मानले आणि तपास सुरू केला.

९ जून २०२० – मुंबई पोलिसांनी दिशाच्या मित्रांची आणि पार्टीत उपस्थित असलेल्या लोकांची चौकशी केली, परंतु त्यांना कोणताही कट रचल्याचा संशय आला नाही.

१० जून २०२० – दिशाच्या मृत्यूबद्दल माध्यमांमध्ये प्रश्न उपस्थित होऊ लागले, काही वृत्तांत ते एका मोठ्या कटाशी जोडले गेले.

१४ जून २०२० – अभिनेता सुशांत सिंग राजपूतच्या मृत्यूमुळे दिशा सालियन प्रकरण पुन्हा चर्चेत आले, ज्यामुळे दोन्ही प्रकरणे जोडल्या जाणाऱ्या चर्चाना उधाण आले.

१६ जून २०२० – दिशाच्या कुटुंबाने माध्यमांना त्यांच्या मुलीच्या मृत्यूबद्दल अफवा पसरवू नयेत असे आवाहन केले.

२० जून २०२० – मुंबई पोलिसांनी पुन्हा एकदा सांगितले की दिशाचा मृत्यू आत्महत्या होता आणि त्यात कोणतेही कट रचल्याचे आढळले नाही.

जुलै-ऑगस्ट २०२० – सुशांत आणि दिशाच्या प्रकरणांबद्दल अनेक कट रचण्याचे सिद्धांत समोर आले, परंतु मुंबई पोलिसांनी दिशाचा मृत्यू आत्महत्या असल्याचे घोषित केले.

सप्टेंबर २०२० – सीबीआयने सुशांत सिंग राजपूत प्रकरणाची चौकशी सुरू केली, परंतु दिशाचे प्रकरण मुंबई पोलिसांकडेच राहिले.

ऑक्टोबर २०२० – पोलिसांनी दिशा सालियन प्रकरणाला आत्महत्या म्हणत फाईल बंद केली, मात्र, कट रचल्याची चर्चा सुरूच होती.

मार्च २०२१ – मुंबई पोलिसांनी त्यांच्या अंतिम अहवालात दिशाचा मृत्यू आत्महत्या असल्याचे घोषित केले, कोणतेही गुन्हेगारी पुरावे सापडले नाहीत.

जून २०२४ – भाजप नेते नितेश राणे यांनी असा दावा केला की दिशाची हत्या करण्यात आली आणि पुरावे नष्ट करण्यात आले. त्यांनी आदित्य ठाकरेंवर गंभीर आरोप केले.

१९ मार्च २०२५ – दिशा सालियनचे वडील सतीश सालियन यांनी मुंबई उच्च न्यायालयात याचिका दाखल करून या प्रकरणाची पुनर्तपासणी करण्याची आणि आदित्य ठाकरेंविरुद्ध एफआयआर दाखल करण्याची मागणी केली.

२० मार्च २०२५ – आदित्य ठाकरे यांनी त्यांच्यावरील आरोप फेटाळून लावत महाराष्ट्र सरकारवर त्यांची प्रतिमा मलिन करण्याचा आरोप केला आणि ते न्यायालयात त्यांची बाजू मांडतील असे सांगितले.

दिशा सालियन कोण होती?

दिशा सालियनचा जन्म २६ मे १९९२ रोजी मुंबईत झाला. ती सुशांत सिंग राजपूतची मॅनेजर होती. तिने वरुण शर्मा आणि भारती सिंगसारख्या कलाकारांसोबतही काम केले होते. याशिवाय ती बऱ्याच जाहिरातींच्या एजन्सीसोबतही जोडली गेली होती. टीव्ही अभिनेता रोहन रॉयला ती डेट करत होती आणि मृत्यूच्या काही महिन्यांपूर्वी त्यांचा साखरपुडाही झाला होता. तिच्या मृत्यूनंतर राजकीय वातावरण तापले होते.