Haryana Election Results :  हरियाणात भाजप सलग तिसऱ्यांदा सरकार स्थापन करणार असल्याचे चित्र दुपारी स्पष्ट झाले. साधारण ४८ जागांवर भाजपने तेंव्हाच बढत मिळवली होती. तर प्रमुख विरोधी पक्ष असलेल्या कॉंग्रेसने ३६ जागांपर्यंत मजल मारली होती.

मात्र, या निवडणुकीत आम आदमी पक्षाला मोठा धक्का बसला आहे. हरियाणातील जनतेने आपला खातेही उघडू दिले नाही.
हरियाणातील जनतेचा यावेळी आपच्या आश्वासनांवर विश्वास राहिलेला नाही, असे निकालावरून स्पष्ट झाले आहे.

आम आदमी पक्षाला निवडणुकीत एकही जागा जिंकता आलेली नाही. अनेक जागांवर पक्षाच्या उमेदवारांना केवळ 600 आणि 800 मते मिळाली असल्याचे दिसून येत आहे.

‘या’ 5 जागांवर वाईट स्थिती :

– अंबालामध्ये आपच्या राज कौर गिल यांना ४२१ मते मिळाली.

– एलनाबादमध्ये मनीष अरोरा यांना ८७९ मते.

– लाडव्यात जोगा सिंग उमरी यांना ६२७ मते.

– निशांत आनंद यांना गुडगावमध्ये 1659 मते मिळाली.

– बदखलमध्ये एम प्रकाश वर्मा यांना 1681 मते.

निवडणूक आयोगाच्या वेबसाइटवर उपलब्ध असलेल्या ट्रेंडनुसार इंडियन नॅशनल लोक दल आणि बसपा या दोन्ही पक्षांच्या हातीही फार काही लागले नाही.