Harshavardhan Patil joined NCP । भाजप नेते हर्षवर्धन पाटील आज भाजपला रामराम करत राष्ट्रवादी काँग्रेस पार्टी शरदचंद्र पवार पक्षात प्रवेश करणार आहेत. आज इंदापूरमध्ये पक्ष प्रवेशाचा कार्यक्रम आयोजित करण्यात आला आहे. हर्षवर्धन पाटील यांच्या पक्षप्रवेशाच्या कार्यक्रमासाठी शरद पवार, जयंत पाटील हे उपस्थित राहणार आहेत. दरम्यान , या पक्षप्रवेशा अगोदर, “हा जनतेचा उठाव आहे” असे म्हणत हर्षवर्धन पाटील यांनी ‘लोकाग्रहास्तव’ पक्षबदल केल्याचे महत्वाचे विधान केले आहे. हर्षवर्धन पाटील यांनी दोन दिवसांपूर्वी झालेल्या कार्यक्रमात भाजपला सोडचिठ्ठी देऊन राष्ट्रवादी काँग्रेस (शरद पवार) पक्षात प्रवेशाचा निर्णय जाहीर केला. त्यानंतरच्या पत्रकार परिषदेत त्या निर्णयाचे समर्थन देखील करण्यात आले. आज इंदापूरमध्ये जंगी कार्यक्रमात शरद पवार, जयंत पाटील यांच्या उपस्थितीत त्यांचा पक्षप्रवेश होत असून त्या पार्श्वभूमीवर त्यांनी आपली भूमिका स्पष्ट केली आहे. “ही जनतेचीच इच्छा होती” Harshavardhan Patil joined NCP । आपल्या निर्णयाविषयी बोलताना हर्षवर्धन पाटील यांनी, “इंदापूरमधल्या कार्यकर्त्यांची ही अपेक्षा होती. हा जनतेचा उठाव आहे. सर्व जातीधर्मांच्या लोकांचा हा उठाव आहे. त्यांची इच्छा होती की राष्ट्रवादी काँग्रेस (शरद पवार) पक्षात आपण प्रवेश करावा. त्यानुसार तो प्रवेश आज होतोय. माझ्यासह सर्व कार्यकर्ते, पदाधिकारी हजारोंच्या संख्येनं पक्षप्रवेश करत आहोत”, असे म्हणाले. हर्षवर्धन पाटील शरद पवार राष्ट्रवादी काँग्रेसमध्ये Harshavardhan Patil joined NCP । पुढे बोलताना त्यांनी “एकतर जनतेचा आग्रह होता की तुम्ही इथून निवडणूक लढवली पाहिजे. दुसरं म्हणजे बऱ्याच निवडणुकांपासून आमच्या विचारांचे कार्यकर्ते या मतदारसंघात लोकप्रतिनिधी झाले आहेत. मागच्या निवडणुकीत आम्ही १५०० मतांनी जिंकता जिंकता राहिलो. शेवटी जनता श्रेष्ठ आहे. म्हणून जनतेच्या आग्रहासाठी आम्ही शरद पवारांना साथ देण्याचा निर्णय घेतला आहे”, असेही म्हटले. हेही वाचा ‘माझ्या मुलावर हल्ला करण्यापेक्षा माझ्याशी लढा’ ; मुख्यमंत्री एकनाथ शिंदे यांचे उद्धव ठाकरेंना आव्हान
