Hardik Pandya First Statement Punjab Kings Shreyas Iyer Captain Ponting Coach : आगामी आयपीएल २०२७ च्या हंगामात पंजाब किंग्सचा भाग बनल्यानंतर भारताचा स्टार अष्टपैलू हार्दिक पंड्याची पहिली प्रतिक्रिया समोर आली आहे. मुंबई इंडियन्सचे कर्णधारपद भूषवल्यानंतर पंजाबमध्ये आलेल्या हार्दिककडे नेतृत्व सोपवले जाईल अशी जोरदार चर्चा होती; मात्र, श्रेयस अय्यर हाच आपला कर्णधार असून रिकी पाँटिंग मुख्य प्रशिक्षक असल्याचे स्पष्ट करत त्याने या चर्चांना पूर्णविराम दिला. आपण प्रशिक्षक आणि कर्णधाराच्या पाठीशी खंबीरपणे उभे असल्याचे हार्दिकने नमूद केले आहे.

श्रेयसच्या नेतृत्वाखाली खेळणार; टीम इंडियाच्या दृष्टीनेही मोठा फायदा

हार्दिकने श्रेयसच्या नेतृत्वाखाली खेळण्यास सहमती दर्शवल्याने त्याला भारतीय टी-२० संघातही फायदा होणार आहे, कारण सध्या राष्ट्रीय टी-२० संघाचे नेतृत्वही श्रेयस अय्यरकडेच आहे. संघात हार्दिकच्या तोडीचा अष्टपैलू अद्याप तयार न झाल्याने तो फिट असताना टीम इंडियाचा अविभाज्य घटक राहिला आहे. पंजाबमध्ये कर्णधारासोबत एकत्र खेळल्याने दोघांमधील ताळमेळ आणि संवाद अधिक घट्ट होईल, ज्यामुळे हार्दिकच्या राष्ट्रीय पुनरागमनाचा मार्ग अधिक सुकर बनेल.

पंजाबमध्ये मानधनात दीड कोटींची वाढ; कर्णधारपद मात्र नाही

The trade confirmation you have been waiting for is HERE!

Two marquee #TeamIndia stars, two franchise and a blockbuster trade 🎇

Hardik Pandya heads to @PunjabKingsIPL and Arshdeep Singh moves to @mipaltan.

📌 Hardik will join #PBKS at a revised fee of INR 18 crore, up from 16.5 crores.

📌 Arshdeep will join #MI at his existing fee of INR 18 crore

Details ▶️ https://t.co/i4RpaGg2BE

#TATAIPL2027

— IndianPremierLeague (@IPL) November 11, 2026

मुंबई इंडियन्सकडून खेळताना हार्दिकचे वार्षिक मानधन १६.५ कोटी रुपये होते; परंतु पंजाब किंग्समध्ये सामील होताच त्याला १८ कोटी रुपये मिळणार आहेत. या ट्रेडमुळे त्याला थेट १.५ कोटी रुपयांचा आर्थिक फायदा झाला आहे. पंजाबचे कर्णधारपद हातात नसले, तरी मानधनात झालेली वाढ आणि कर्णधार श्रेयससोबत मैदानावर एकत्र खेळण्याची संधी यामुळे हार्दिकसाठी हा व्यवहार फायदेशीर ठरला आहे.

हेही वाचा – IPL 2027 Trades : मिनी लिलावापूर्वी IPL मध्ये मोठा भूकंप; हार्दिक, पंतसह १० खेळाडूंची अदलाबदल, मुंबई-लखनौने थेट कर्णधारच बदलले

‘सत श्री अकाल, पंजाब!’; जर्सीतील फोटोसह भावनिक पोस्ट व्हायरल

 

View this post on Instagram

 

पंजाब किंग्सच्या अधिकृत जर्सीतील फोटो सोशल मीडियावर शेअर करत हार्दिकने लिहिले, “सत श्री अकाल, पंजाब! माझे कर्णधार श्रेयस, माझे प्रशिक्षक रिकी आणि माझी संपूर्ण टीम पंजाब; मी तुमच्या पाठीशी खंबीर उभा आहे.” या भावनिक पोस्टसह त्याने हार्ट इमोजीही जोडला. हार्दिक आता पूर्णपणे पंजाबी रंगात रंगला असून, पुढील हंगामात पंजाब किंग्सला आयपीएल ट्रॉफी जिंकून देण्यासाठी तो मैदानात सर्वस्व पणाला लावेल.