न्यू तैपेई, तैवान – इस्त्रायली गुप्तचर एजन्सी मोसादने कथितपणे ब्लास्ट केलेले आणि संपूर्ण लेबनॉनमध्ये दहशत निर्माण करणारे पेजर हिजबुल्लाच्या दहशतवाद्यांनी कोठून खरेदी केले? हिजबुल्लाहने आदेश दिल्यावर मोसादने पेजरमध्ये स्फोटके बसवली होती का? लेबनॉनमध्ये मंगळवारी एकाच वेळी शेकडो पेजर्सचा स्फोट झाला. किमान 9 लोक ठार आणि किमान 3000 लोक जखमी झाले. यानंतर लेबनॉनकडून असा दावा केला जात आहे की, मोसादने हिजबुल्लाच्या पेजर्समध्ये स्फोटके बसवली होती. जाणून घेऊया.. हे पेजर्स कोठून खरेदी केले होते आणि कोण बनवते?

तैवानच्या गोल्ड अपोलो कंपनी या पेजर बनवणाऱ्या कंपनीने बुधवारी सांगितले की, लेबनॉन बॉम्बस्फोटात वापरलेले पेजर त्यांनी बनवले नसून बीएसी नावाच्या कंपनीने बनवले आहेत. गोल्ड अपोलोने सांगितले की बीएसीकडे त्याचा ब्रँड वापरण्याचा परवाना आहे. लेबनॉनमध्ये ब्लास्ट झालेल्या पेजरवर गोल्ड अपोलो असे लिहिले होते. पण हे पेजर तिच्या उपकंपनीने बनवले असल्याचे या कंपनीचे म्हणणे आहे.

हिजबुल्लाने अलीकडेच 5000 पेजर्स खरेदी केले होते –

इस्त्रायली शत्रू आणि मोसादचे लक्ष वेधून घेण्यासाठी हिजबुल्लाने अलीकडेच आपल्या लढवय्यांसाठी 5 हजार पेजर खरेदी केले होते. तैवानच्या गोल्ड अपोलोच्या म्हणण्यानुसार, हिजबुल्लाच्या आदेशानुसार बीएसी कंपनीने ते तयार केले होते. हिजबुल्लाहला आधीच भीती होती की जर त्यांच्या सैनिकांनी मोबाईल फोन वापरला तर मोसाद त्यांना हॅक करून ठार करू शकेल. म्हणूनच प्रत्येकासाठी पेजर ऑर्डर केले होते. पण याचाही स्फोट झाला. यामुळे हिजबुल्लाचे दहशतवादी हवालदिल झाले आहेत.

दरम्यान, मंगळवारी संपूर्ण लेबनॉनमध्ये हिजबुल्लाह सदस्यांनी वापरलेल्या पेजरचा एकाच वेळी स्फोट झाल्याने किमान नऊ लोक ठार झाले आणि सुमारे 3,000 जखमी झाले. रॉयटर्सच्या विश्लेषणातून असे दिसून आले की नष्ट झालेल्या पेजरच्या प्रतिमांमध्ये मागच्या बाजूला एक नमुना आणि स्टिकर्स दिसत होते जे गोल्ड अपोलोने बनवलेल्या पेजरशी सुसंगत होते.

लेबनीजच्या एका वरिष्ठ सुरक्षा सूत्राने रॉयटर्सला सांगितले की, हिजबुल्लाहने तैवानस्थित गोल्ड अपोलोकडून 5,000 पेजर मागवले होते. मात्र, गोल्ड अपोलोने हे पेजर बीएसीने बनवले असल्याचे म्हटले आहे. गोल्ड अपोलोचे संस्थापक आणि अध्यक्ष सु चिंग-कुआंग यांनी आज तैपेई येथील त्यांच्या कार्यालयात पत्रकारांना सांगितले की, ‘त्यावर आमचा ब्रँड होता. BAC ने AR-924 मॉडेलचे उत्पादन आणि विक्री केली, असे कंपनीने एका निवेदनात म्हटले आहे. आम्ही फक्त ब्रँड ट्रेडमार्क अधिकृतता प्रदान करतो आणि या उत्पादनाच्या डिझाइन किंवा निर्मितीमध्ये आमचा कोणताही सहभाग नाही.

स्फोटाच्या कारणाचा तपास सुरु –
पेजरचा स्फोट कसा झाला हे माहित नसल्याचे कंपनीने म्हटले आहे. मालिका स्फोटांनंतर, इराण-समर्थित हिजबुल्लाहने सांगितले की ते स्फोटांच्या कारणांसाठी “सुरक्षा आणि वैज्ञानिक तपासणी” करत आहेत. इस्रायलची गुप्तचर संस्था मोसादने लेबनीज गट हिजबुल्लाहने काही महिन्यांपूर्वी आयात केलेल्या 5,000 पेजरमध्ये स्फोटके पेरली होती, असे लेबनीज सुरक्षा स्रोत आणि अन्य एका स्रोताने सांगितले. मात्र, यावर इस्रायलकडून कोणतीही प्रतिक्रिया आलेली नाही. असा दावाही केला जात आहे की त्याची रेडिओ फ्रिक्वेन्सी हॅक करून मोसादने त्याची लिथियम बॅटरी इतकी गरम केली की पेजर एकाच वेळी फुटू लागले.