पुणे – गुरू तेगबहादुर फाऊंडेशन यांच्या वतीने आयोजित २२व्या गुरू तेगबहादुर गोल्ड कप फुटबॉल स्पर्धेत बाद फेरीत उत्कर्ष क्रिडा मंच(यूकेएम) अ, अशोका एफसी, इन्फंटस एफसी, थंडरकॅटस एफसी या संघांनी आपापल्या प्रतिस्पर्धी संघाचा पराभव करून आगेकूच केली.

खडकी येथील रेंजहिल्स स्पोर्ट्स मैदानावर सुरू असलेल्या या स्पर्धेत बाद फेरीत उत्कर्ष क्रिडा मंच (यूकेएम) अ संघाने आयफा स्काय हॉक्स संघाचा टायब्रेकरमध्ये ५-४ असा पराभव करून आगेकूच केली. निर्धारित वेळेत सामना गोल शून्य बरोबरीत सुटला व त्यामुळे टायब्रेकर पद्धतीचा अवलंब करण्यात आला. विजयी संघाकडून ऋत्विज वेलेगा, मनोहर पाटील, अमित चव्हाण, कौशल वैद्य, कुणाल ढमढेरे यांनी गोल केले. तर, आयफा स्काय हॉक्सकडून ओंकार नालेने चेंडू बाहेर मारला.

दुसऱ्या सामन्यात प्रणव कदम(१०मि.) याने नोंदवलेल्या एकमेव गोलाच्या जोरावर अशोका एफसी संघाने उत्कर्ष क्रिडा मंच(यूकेएम) ब संघाचा १-० असा पराभव केला. तिसऱ्या सामन्यात यश लोणारे(३५मि)याने केलेल्या एक गोलाच्या जोरावर इन्फंटस एफसी संघाने आर्यन्स एफसी संघाचा १-० असा पराभव करून दुसरी फेरी गाठली.

एकतर्फी झालेल्या लढतीत थंडरकॅटस एफसी संघाने रुपाली स्पोर्टस क्लबचा ६-० असा पराभव केला. विजयी संघाकडून क्षितिज कोकाटे(१,६,१२मि.)ने तीन गोल, कुणाल यादव(४३,४४मि.)ने दोन गोल आणि याया शेख(१८मि.)ने एक गोल केला.

Shikhar Dhawan: “तीन महिन्यांपासून मी ब्लॉक..”, लेकाच्या वाढदिवशी धवन झाला भावूक! शेअर केली भावनिक पोस्ट…

निकाल (बाद फेरी)  : 

उत्कर्ष क्रिडा मंच(यूकेएम) अ: ऋत्विज वेलेगा, मनोहर पाटील, अमित चव्हाण, कौशल वैद्य, कुणाल ढमढेरे) टायब्रेकरमध्ये वि.वि.आयफा स्काय हॉक्स: ४(सदिम मिया, हिमांशु चव्हाण, हितेश यादव, हर्ष दर्डा) (गोल चुकविला: ओंकार नाले); पुर्ण वेळ: ०-०;

अशोका एफसी: १(प्रणव कदम १०मि. पास – रोहित राऊत) वि.वि.उत्कर्ष क्रिडा मंच(यूकेएम) ब:०;

इन्फंटस एफसी: १(यश लोणारे ३५ मि.(पेनल्टी)) वि.वि.आर्यन्स एफसी: ०;

थंडरकॅटस एफसी: ६ (क्षितिज कोकाटे १,६,१२मि., कुणाल यादव ४३,४४मि., याया शेख १८मि.)वि.वि.रुपाली स्पोर्टस क्लब: ०