Gurnoor Brar Sixes : भारतीय गोलंदाजाची तुफान फटकेबाजी! एकाच षटकात ठोकले चार गगणचुंबी षटकार, कोच गंभीरही इम्प्रेस, पाहा VIDEO
Gurnoor Brar Sixes : भारतीय वेगवान गोलंदाज गुरनूर ब्रारने श्रीलंकेविरुद्धच्या सराव सामन्यात एका षटकात चार षटकार मारून आपण फलंदाजीही करू शकतो हे दाखवून दिले, ज्याचा व्हिडीओ व्हायरल होत आहे.
Gurnoor Brar Smashes Four Sixes In An Over Warm Up Match IND vs SL XI Video Viral : भारत आणि ‘श्रीलंका इलेव्हन’ यांच्यात खेळल्या जात असलेल्या तीन दिवसीय सराव सामन्याच्या दुसऱ्या दिवशी एका २५ वर्षीय भारतीय गोलंदाजाच्या फटकेबाजीची जोरदार चर्चा रंगली आहे. ११ व्या क्रमांकावर फलंदाजीस आलेल्या गुरनूर ब्रारने (Gurnoor Brar) श्रीलंकेचा डावखुरा फिरकीपटू दिलुम सदीराच्या एकाच षटकात तब्बल ४ गगनचुंबी षटकार मारत सर्व प्रेक्षकांना अवाक केले. त्याच्या या फटकेबाजीचा व्हिडीओ सोशल मीडियावर तुफान व्हायरल होत आहे.
एकाच षटकात ठोकले चार गगनचुंबी षटकार!
सामन्याच्या दुसऱ्या दिवशीचा शेवटचा ओव्हर टाकण्यासाठी दिलुम सदीरा आला. पहिल्या चेंडूवर देवदत्त पडिक्कलने सिंगल घेत ब्रारला स्ट्राइक दिली. यानंतर डावखुऱ्या गुरनूर ब्रारने दुसऱ्या चेंडूवर मिड-विकेटवर, तिसऱ्या चेंडूवर थेट समोर, पाचव्या चेंडूवर पुन्हा मिड-विकेट बाउंड्रीबाहेर अन् सहाव्या चेंडूवर डीप कव्हरच्या वरून असा एकाच ओव्हरमध्ये ४ षटकारांचा पाऊस पाडला. चौथ्या चेंडूवर सिंगल घेण्याची संधी असतानाही दोन्ही फलंदाजांनी धाव घेतली नाही. विशेष म्हणजे ब्रारची ही फटकेबाजी पाहून ड्रेसिंग रुममधील खेळाडूंस कोच गौतम गंभीरही चकित झाले होते, ज्याचा व्हिडीओ व्हायरल होत आहे.
2nd day last over
4 six by GURNOOR BRAR in An Over
Dream For Zimbu & Bhikari fans😝 #INDvsSL #CricketIndia #TestCricket #GurnootBrar #TeamIndia pic.twitter.com/DPm0wsJlcN
— Kaushy (@kaushyy14) August 8, 2026
१८ चेंडूंत ३६ धावा; भारताची धावसंख्या ३५७!
दुसऱ्या दिवसाचा खेळ संपला तेव्हा गुरनूर ब्रार १८ चेंडूंत २ चौकार आणि ४ षटकारांच्या मदतीने २०० च्या स्ट्राइक रेटने ३६ धावांवर नाबाद क्रीजवर टिकून होता. दुसरीकडे, १२० चेंडूंत शतक ठोकणारा देवदत्त पडिक्कल १४२ धावांवर खेळत आहे. दोघांमध्ये अवघ्या ३० चेंडूंत ५१ धावांची नाबाद भागीदारी झाली आहे.
प्रथम फलंदाजी करताना श्रीलंकेने ८ बाद ३६३ धावांवर पहिला डाव घोषित केला होता. प्रत्युत्तरात भारताने ६ बाद ३५७ धावा करून सामना अत्यंत मजबूत स्थितीत आणला आहे. १९ प्रथमश्रेणी सामने खेळलेल्या गुरनूर ब्रारच्या या फटकेबाजीने टीम इंडियाला मोठा आत्मविश्वास दिला आहे.
