Gurmehar Kaur:  काँग्रेसने NEET-UG पेपर लीक आणि संबंधित समस्यांवरील निषेधांमध्ये भाग घेण्यासाठी पोलिस कारवाईचा सामना करणाऱ्या तरुणांसाठी कायदेशीर मदत हेल्पलाइन जाहीर केली आहे. कार्यकर्त्या गुरमेहर कौर यांनी ही माहिती दिली आहे.

काँग्रेसने पत्रकार परिषदेचा व्हिडिओ पोस्ट करत, “आम्ही विद्यार्थ्यांवरील सर्व हल्ल्यांचा तीव्र निषेध करतो. चर्चेदरम्यान मोदी सरकारने आश्वासन दिले होते की कोणत्याही विद्यार्थ्याला ताब्यात घेतले जाणार नाही आणि त्यांच्यावर कोणतीही पोलिस कारवाई केली जाणार नाही.” असे म्हटले आहे.

गुरमेहर कौर म्हणाल्या, “आज पश्चिम बंगाल आणि बिहारमधील विद्यार्थ्यांविरोधात एफआयआर नोंदवण्याची मोठी यादी आहे.”

पत्रकार परिषदेत त्यांच्यासोबत एनएसयूआयचे अध्यक्ष विनोद जाखड आणि बिहारमधील रहिवासी युवक काँग्रेस पदाधिकारी रिचा सिंगही उपस्थित होते. यावेळी त्यांनी मनोगत व्यक्त केले. त्यानंतर संध्याकाळी बिहारच्या भाजप सरकारने असे सर्व खटले मागे घेत असून अटक केलेल्यांची सुटका करत असल्याची घोषणा केली.

काँग्रेसने हेल्पलाइन क्रमांक केला जारी   (Gurmehar Kaur)

पोलिसांच्या कारवाईसाठी विरोधी पक्षनेते राहुल गांधी यांनी थेट केंद्रीय गृहमंत्री अमित शहा यांना जबाबदार धरले आहे. काँग्रेसनेही हा मुद्दा संसदेत मांडण्याचा प्रयत्न केला होता. काँग्रेसने ‘छत्र की गूंज’ (CKG) कायदेशीर SOS हेल्पलाइन क्रमांक 98118-67474 द्वारे पाठिंबा जाहीर केला.

कोण आहे गुरमेहर कौर?  (Gurmehar Kaur)

या घोषणेसाठी काँग्रेसने २९ वर्षीय गुरमेहर कौरची निवड केली. पक्षाच्या सोशल मीडिया पोस्टमध्ये त्यांना ठळकपणे टॅग केले गेले. खरे तर, पेपर फुटीच्या विरोधात जेन-झेडच्या संतापाने पेट घेतला होता आणि त्यात शहरी वर्ग आणि तरुणीही मोठ्या संख्येने सहभागी झाल्या होत्या. गुरमेहरही याच वर्गातून येते. 1990 च्या दशकाच्या उत्तरार्धात जन्मलेली, ती पंजाब आणि इतरत्र छोट्या शहरांमध्ये लष्करी कुटुंबात वाढली. त्यांनी दिल्ली आणि ब्रिटनमध्ये शिक्षण घेतले आहे.