Thailand – शाळेमध्ये गोळीबार करणाऱ्या आणि शिक्षकांना ओलीस धरणाऱ्या एका बंदुकधाऱ्याला थायलंडमध्ये पकडण्यात आले आहे. या बंदुकधाऱ्याने शाळेत विद्यार्थी आणि शिक्षकांना ओलीस ठेवले होते आणि गोळीबारात किमान एक विद्यार्थी जखमी झाला होता, असे पोलिसांनी सांगितले. सुमारे दोन तासांनंतर ही घटना नियंत्रणात आली. पण पोलिसांनी या संदर्भात त्वरित अधिक तपशील जाहीर केला नाही. घटनेमध्ये इतर काही लोक देखील जखमी झाल्याचे माध्यमांनी म्हटले आहे. पण त्या वृत्ताला अधिकृत दुजोरा मिळू शकला नाही. वर्ग सुटल्यानंतर दुपारी उशिरा सोंगखला प्रांतातील पतोंगप्रथनकिरीवाट शाळेत रागावलेला एक बंदूकधारी घुसला होता. त्यानंतर गोळीबाराच्या काही फैरी झाडल्याचे आवाज ऐकू आले. या बंदुकधाऱ्याचा हेतू नेमका काय होता, हे स्पष्ट होऊ शकले नाही.
