Nitesh Rane:  सिंधुदुर्ग जिल्ह्यात यंदा पावसाने शेतकऱ्यांची चिंता वाढवली आहे. दरवर्षीच्या तुलनेत यंदा तब्बल २० ते २५ टक्के पाऊस कमी झाल्याने त्याचा थेट परिणाम भातशेतीवर झाला आहे. पाण्याअभावी भातपिकाची वाढ खुंटली असून, अनेक ठिकाणी भातशेतीला करपा रोगाची लागण झाल्याचे चित्र पाहायला मिळत आहे. त्यामुळे हातातोंडाशी आलेले पीक संकटात सापडल्याने शेतकरी हवालदिल झाले आहेत.

या पार्श्वभूमीवर सिंधुदुर्ग जिल्ह्यात ‘ट्रिगर १’ जाहीर करण्यात आला असून, प्रशासनाकडून नुकसानग्रस्त भागाची पाहणी सुरू आहे. पालकमंत्री नितेश राणे यांनीही जिल्ह्यातील काही नुकसानग्रस्त भागांना भेट देत प्रत्यक्ष परिस्थितीची पाहणी केली.

प्रत्येक शेतकऱ्यापर्यंत सरसकट मदत पोहोचवण्याचा सरकारचा प्रयत्न असेल, असे पालकमंत्री नितेश राणे यांनी सांगितले. तसेच, लवकरच मुख्यमंत्री कोकणचा दौरा करून दुष्काळग्रस्त भागाची पाहणी करणार असल्याचे त्यांनी सांगितले.

यंदाच्या खरीप हंगामात संकटात सापडलेल्या सिंधुदुर्गातील भातशेतकऱ्यांना शासनाकडून नेमकी किती मदत मिळणार, याकडे आता सर्वांचे लक्ष लागले आहे.

Yash Chopra : असिस्टेंट म्हणून करिअरची सुरुवात; अमिताभ यांना मिळाली ‘अँग्री यंग मॅन’ ओळख, शाहरुखला बनवलं रोमँटिक हिरो, यशराज यांचा प्रवास