Rohit Sharma Makes IPL History with 300 Sixes : आयपीएल २०२५ मधील एलिमिनेटर सामन्यात मुंबईने प्रथम फलंदाजी करतान गुजरातसमोर २२८ धावा लक्ष्य ठेवले आहे. रोहित शर्माने आयपीएलमध्ये इतिहास रचला आहे, रोहित शर्माने ते केले आहे, जे आजपर्यंत कोणत्याही भारतीय फलंदाजाला करता आले नाही. एलिमिनेटरमध्ये रोहित शर्माला दोन जीवदान मिळाले असतील, पण त्यानंतरही रोहित शर्माने आपली आक्रमक शैली सोडली नाही. त्याने ५० चेंडूत ८१ धावांच्या जोरावर एक खास पराक्रम केला आहे.

रोहित शर्माने पूर्ण केले ३०० षटकार –

या सामन्यात रोहित शर्माला सुरुवातीलाच दोन जीवदान मिळाले. त्याला सुरुवातीला तीन धावांवर आणि नंतर १२ धावांवर जीवदान मिळाले. त्यानंतर रोहित शर्माने कोणतीही संधी दिली नाही आणि सतत धावा काढत राहिला. रोहित शर्माने सामन्यात दोन षटकार मारताच, तो आयपीएलमध्ये ३०० षटकार मारणारा भारताचा पहिला फलंदाज आणि जगातील दुसरा फलंदाज ठरला आहे. आयपीएलमध्ये सर्वाधिक षटकार मारण्याच्या बाबतीत क्रिस गेल अव्वल स्थानावर आहे. त्याने फक्त १४२ आयपीएल सामन्यांमध्ये ३५७ षटकार मारले आहेत.

No lifelines needed for this! 😉

Rohit Sharma becomes the 𝐅𝐈𝐑𝐒𝐓 🇮🇳 to hit 3️⃣0️⃣0️⃣* #TATAIPL sixes 😍💥#MumbaiIndians #PlayLikeMumbai #GTvMI pic.twitter.com/OSIm484DTC

— Mumbai Indians (@mipaltan) May 30, 2025

तो इतका पुढे आहे की इतर कोणत्याही फलंदाजाला त्याची बरोबरी करण्यासाठी बराच वेळ लागेल. दरम्यान, रोहित शर्माने ३०० षटकारांचा टप्पाही गाठला आहे. रोहित शर्माचा आयपीएलमधील हा २७२ वा सामना आहे. तथापि, विराट कोहली लवकरच ३०० षटकारही पूर्ण करू शकतो. कोहलीने आतापर्यंत २६६ आयपीएल सामन्यांमध्ये २९१ षटकार मारले आहेत, म्हणजेच त्याला फक्त ९ षटकारांची आवश्यकता आहे. जे या वर्षी पूर्ण होणार नाही, परंतु पुढच्या वर्षी नक्कीच पूर्ण होईल.

हेही वाचा – Avinash Sable : अविनाश साबळेची ‘सुवर्ण’ कामगिरी; ३६ वर्षांनंतर स्टीपलचेसमध्ये रचला इतिहास

रोहित शर्माने आयपीएलमध्ये सात हजार धावा केल्या पूर्ण –

No Rohit Sharma fan will scroll without liking the post.💙💥#RohitSharma𓃵 #MIvsGT#MIvsGT pic.twitter.com/IF5Znwv2aE

— kholiNati!0n_👑🚩 (@cryptoHolder09) May 30, 2025

एवढेच नाही तर रोहित शर्माने आयपीएलमध्ये सात हजार धावा पूर्ण केल्या आहेत. या बाबतीत विराट कोहली पहिल्या क्रमांकावर आहे. त्याने आतापर्यंत २६६ सामन्यांमध्ये ८६१८ धावा केल्या आहेत. रोहित शर्माने त्याच्या २७२ व्या सामन्यात सात हजार धावा पूर्ण केल्या आहेत. या सामन्यापूर्वी रोहितच्या नावावर ६९७६ धावा होत्या, ज्या आता सात हजारांच्या पुढे गेल्या आहेत. रोहित शर्माने आतापर्यंत आयपीएलमध्ये दोन शतके आणि ४७ अर्धशतके झळकावली आहेत. आता या वर्षीच्या आयपीएलमध्ये तो आणखी किती धावा काढतो हे पाहावे लागेल. आयपीएलमध्ये सात हजार धावा पूर्ण करणारा तो जगातील दुसरा खेळाडू आहे.