शिरूर : उच्च न्यायालय मुंबई यांचे PIL. १५५ अंतर्गत दि. १८/११/२०२४ रोजीच्या निर्देशानुसार शहराचे विद्रुपीकरण करण्यात येईल अश्या प्रकारचे बेकायदा, अनधिकृत जाहिराती, पोस्टर, बॅनर, होर्डिंग लावण्यास शहरात उभारण्यास सक्त मनाई करण्यात आली आहे. त्यानुसार नागरिकांची घटना समितीचे अध्यक्ष शिरुर नगरपरीषदेचे मुख्याधिकारी यांच्या अध्यक्षतेखाली शिरूर नगरपरिषद कार्यालय येथे बैठक आयोजित करण्यात आली होती. सदर बैठकीमध्ये मा. उच्च न्यायालय मुंबई यांचे PIL. 155 अंतर्गत माहिती घटना समितीचे अध्यक्ष मुख्याधिकारी प्रितम पाटील व उपाध्यक्ष तथा पोलीस निरीक्षक संदेश केंजळे,शिरूर पोलिस स्टेशन व सर्व पक्षाचे प्रतिनिधी, पत्रकार, नागरिक, प्रिंटिंग प्रेस प्रमुख, मंडप उभारणी करणाऱ्या व्यक्ती मोठ्या संख्येने उपस्थित होते. शिरूर नगरपरिषद हद्दीमध्ये बेकायदा,अनधिकृत जाहिराती, पोस्टर, बॅनर, होर्डिंग लाऊन शहराचे विद्रुपीकरण करण्यात येईल अशा बेकायदा अनधिकृत जाहिराती, पोस्टर, बॅनर, होर्डिंग शहरात उभारण्यास पूर्ण बंदी करण्यात आलेली आहे. तरी शिरूर नगरपरिषद कार्यालयाकडून विहित परवानगी घेतल्यानंतरच असे अधिकृत पोस्टर, बॅनर लावण्यात यावेत व सदर परवानगीची मुदत संपल्यानंतर संबंधित व्यक्तीने जाहिराती, पोस्टर, बॅनर, होर्डिंग त्वरित काढून घेण्यात यावे. अन्यथा न्यायालयाच्या निर्देशाप्रमाणे बेकायदा,अनधिकृत जाहिराती, पोस्टर, बॅनर, होर्डिंग तत्काळ जप्त करून सदर इसमाकडून दंड वसूल केला जाईल व फौजदारी कारवाई प्रक्रिया करण्यात येईल. त्यानुसार घटना समितीद्वारे सर्व नागरिकांना आवाहन करण्यात आले की, जाहिराती, पोस्टर, बॅनर, होर्डिंग लावण्यासंबंधी असेल तर शिरूर नगरपरिषद कार्यालयाकडून पोस्टर, बॅनर लावण्यासंदर्भातील ना हरकत प्रमाणपत्र मिळणेसाठीची ठिकाणे- पाबळ फाटा एम.एस.ई.बी भिंतीला लागून, बी जे कॉर्नर पी.डब्ल्यू.डी जवळील यांच्या भिंतीला लागून, राष्ट्रीय महामार्ग रस्ता संमुख बस स्टँड समोरील भिंतीला लागून, नगरपरिषद शाळा क्र.४ व ६ समोरील रयत मैदान भिंतीच्या कडेला लागून, कृषी उत्पन्न बाजार समिति समोरील शिरूर नगरपरिषदेची मोकळी जागा सर्वे नं.११३३ अ/अ३,पोस्ट ऑफिस भिंतीच्या कडेला, पंचायत समितीच्या सुरक्षा भिंतीच्या कडेला लागून आमरधम कडे जाणारा रस्ता, निर्माण प्लाझा समोरील कोर्टच्या भिंतीला लागून, १७ कमानी जवळ पांजर पोळ ते वेदांत हॉस्पिटल ३० मीटर रोडची रुंदी सोडून रस्त्याच्या कडेला, महाजन मळा उजव्या बाजूस,अग्निशामक इमारतीच्या आजूबाजूला, बी.एस.एन.एल इमारतीच्या आजूबाजूला अश्या प्रकारची ठिकाणे निश्चित करण्यात आले आहे. तसेच दर व विहित कार्यपद्धती निर्धारित करणेत आलेली असून याबाबत अधिक माहितीसाठी नोडल अधिकारी म्हणुन पंकज राजेंद्र काकड, रचना सहायक यांची नियुक्ती करण्यात आली आहे. तसेच तक्रार निवारणकरिता टोल फ्री क्र. १८००२३३२१२३, SMS व Whatsapp no. ८०८००५५२०६ व वेबसाईट:- https://mahaulb.in/MahaULB/index नागरिकांसाठी उपलब्ध करून देण्यात आला आहे. तरी कोणत्याही नागरिकांनी बेकायदाअनधिकृत जाहिराती, पोस्टर, बॅनर, होर्डिंग लाऊन शहराचे विद्रुपीकरण करू नये. अशी विनंती शिरूर नगर परिषदेचे मुख्याधिकारी प्रितम पाटील यांनी नागरिकांना केली आहे.
