Dahihandi 2026 : राज्यभरात दहीहंडी उत्सव अत्यंत उत्साहात आणि जल्लोषात साजरा झाला आहे. मुंबई आणि आसपासच्या शहरांमध्ये शनिवारी दहीहंडी उत्सवाचा उत्साह शिगेला पोहोचला.

हजारो गोविंदांनी मानवी मनोरे रचून दहीहंड्या फोडल्या. मध्य मुंबईतील लालबाग आणि दादरच्या अरुंद गल्ल्यांपासून ते ठाण्यातील भव्य ठिकाणांपर्यंत सर्वत्र ढोल-ताशांचा आवाज घुमत होता.

तरुण मुला-मुलींचे गोविंदा पथके शहराच्या आणि उपनगरांच्या विविध भागांत फिरत होती. महिनोंमहिने केलेल्या सरावाची कसोटी लावत उंच मनोरे रचणे आणि लाखो रुपयांची बक्षिसे जिंकणे हे त्यांचे उद्दिष्ट होते.  (Dahihandi 2026 )

भगवान श्रीकृष्णाच्या जन्मोत्सवानिमित्त मध्यरात्रीनंतर निवासी सोसायट्या, वर्दळीचे चौक आणि मोकळ्या मैदानांवर फुले व फुग्यांनी सजवलेल्या शेकडो हंड्या लटकवण्यात आल्या होत्या. जन्माष्टमीच्या उत्सवाचा एक अविभाज्य भाग असलेल्या दहीहंडीमध्ये, तरुण मुले-मुलींची पथके मानवी मनोरे रचतात.

मोठ्या आवाजात स्पीकर्सवरून बॉलीवूड आणि मराठीतील लोकप्रिय गाणी वाजत होती, ज्यामुळे वातावरणातील उत्साह अधिकच वाढला होता. विशेषतः परळ, लालबाग, वरळी, दादर, भांडुप, मुलंड, जोगेश्वरी, अंधेरी आणि ठाणे व नवी मुंबई या भागांत हा उत्साह ओसंडून वाहत होता.

मुंबई आणि आसपासच्या परिसरात राजकीय नेत्यांनी आयोजित केलेले दहीहंडी कार्यक्रम गेल्या काही वर्षांत मुख्य आकर्षण ठरले आहेत, यात मोठी बक्षिसे, सेलिब्रिटींची उपस्थिती आणि मनोरंजनात्मक कार्यक्रमांचा समावेश असतो. पोलिसांनी सुरक्षा व्यवस्था कडक केली असून संवेदनशील भागात मोठा बंदोबस्त तैनात केला आहे.

पथकांसाठी मोठी पारितोषिके  (Dahihandi 2026)

ठाण्यातील स्वामी प्रतिष्ठान दहीहंडी महोत्सव यंदा विशेष चर्चेत आहे. या महोत्सवात तब्बल 71 लाख रुपयांची बक्षिसे वितरित केली जाणार आहेत. गोविंदा पथकांचा मोठा सहभाग आणि सेलिब्रिटी हंडी म्हणून मिळालेली ओळख यामुळे या उत्सवाकडे संपूर्ण महाराष्ट्राचे लक्ष लागले आहे. Dahihandi 2026

ठाण्यातील टेंभी नाका दहीहंडी देखील मानाची मानली जाते. विजेत्या पथकांना प्रत्येकी 1 लाख 51 हजार रुपयांचे रोख पारितोषिक आणि सन्मानचिन्ह दिले जाणार आहे. महिलांच्या गोविंदा पथकासाठीही 1 लाख रुपयांचे बक्षीस जाहीर करण्यात आले आहे.

9 थर रचणारे पालघरमधील पहिलं गोविंद पथक  (Dahihandi 2026)

ठाण्याच्या वर्तकनगर येथे परिवहन मंत्री प्रताप सरनाईक यांच्या संस्कृती प्रतिष्ठानच्या वतीने दहीहंडी उत्सावाचे आयोजन करण्यात आले आहे. सूर्यकुमार यादवसमोर शिवगणेश गोविंदा पथकाने 9 थर रचले आहे. शिवगणेश गोविंदा पथक 9 थर रचणारे पालघरमधील पहिलं गोविंद पथक ठरलं आहे. Dahihandi 2026

हेही वाचा: 

Constipation Relief: बद्धकोष्ठतेने त्रस्त आहात? ‘हा’ घरगुती उपाय ठरू शकतो फायदेशीर!