Govinda New Film :  सुपरस्टार गोविंदा गेल्या सात वर्षांपासून मोठ्या पडद्यावर कोणत्याही भूमिकेत दिसलेला नाही. मात्र आता तो पुन्हा एकदा मोठ्या पडद्यावर कमबॅक करत आहे. गोविंदाने नुकतेच त्याच्या नव्या सिनेमाची घोषणा केली आहे. ‘रुपा’ असं गोविंदाच्या नव्या सिनेमाचं नाव असून लवकरच तो या सिनेमातून प्रेक्षकांच्या भेटीला येणार आहे.

या सिनेमात गोविंदासोबत नवोदित अभिनेत्री राणा स्वर्णकार मुख्य भूमिकेत झळकणार आहे. या सिनेमाची निर्मिती देखील गोविंदाच करणार आहे. गोविंदाने सोमवारी मुंबईत एका पत्रकार परिषदेत आपल्या आगामी प्रोजेक्ट्सची घोषणा केली. यावेळी त्याच्यासोबत ‘रूपा’ चित्रपटाची अभिनेत्री राणी स्वर्णकार देखील उपस्थित होती, जी या चित्रपटातून बॉलिवूडमध्ये पदार्पण करत आहे. Govinda New Film

गोविंदा म्हणाला, “मला वाटतं हे माझं नशीब आहे की मला अनेकदा दुर्लक्षित केलं गेलं. लोक म्हणायचे की हा आता पुन्हा सिनेमात दिसणार नाही. पण, मी नेहमीच नवीन सुरुवात केली. या सिनेमाला यश मिळो अशी मी देवाकडे प्रार्थना करेन. हा सिनेमा खासकरुन तरुण पिढीसाठी आहे. हा सिनेमा पाहिल्यानंतर तरुण स्वप्न पाहतील आणि ती पूर्ण होण्यावर विश्वास ठेवतील”.

गोविंदाने पुढे सांगितले की, त्याच्या चित्रपटाचे शूटिंग लवकरच सुरू होईल आणि तो चित्रपटाच्या संपूर्ण स्टारकास्टसह पुन्हा एकदा माध्यमांसमोर येईल. हा चित्रपट एका वेगळ्या स्वरूपाचा असेल आणि तरुणांना तो खूप आवडेल, असा विश्वास त्याने व्यक्त केला. तसेच आपल्या प्रोडक्शन अंतर्गत बनत असलेल्या या चित्रपटासाठी त्याने सर्वांच्या सहकार्याची अपेक्षा व्यक्त केली. Govinda New Film

दरम्यान, गोविंदा २०१९ साली प्रदर्शित ‘रंगीला राजा’ सिनेमात दुहेरी भूमिकेत दिसला होता. पण, त्यानंतर तो अभिनयापासून दूर होता. चाहते त्याला अनेक वर्षांपासून पडद्यावर अभिनय करताना पाहू इच्छित होते, त्यांची ही हाक आता गोविंदाने ऐकलीया असून,७ वर्षांनी तो पुन्हा कमबॅक करत आहे. Govinda New Film

हेही वाचा: 

Suresh Dhas : “मी उलटा फिरलो तर तुम्हालाही…”; सुरेश धसांचा आक्रमक पवित्रा, जयंत पाटलांना थेट आव्हान