Gold ring : सरकारी रुग्णालयात बाळाचा जन्म झाल्यास त्या नवजात बालकाला सोन्याची अंगठी भेट म्हणून दिली जाणार आहे. तमिळनाडू सरकारने ही नवीन आणि वेगळी योजना सुरू केली आहे. तमिळनाडूचे मुख्यमंत्री आणि टीव्हीके (TVK) प्रमुख विजय यांनी सरकारी रुग्णालयांमध्ये जन्म घेणाऱ्या मुलांना १ ग्रॅम सोन्याची अंगठी भेट म्हणून दिली जाईल, अशी घोषणा केली आहे.

या नवीन योजनेचे नाव ‘थाई मामन गोल्ड रिंग योजना’ (Thai Maman Gold Ring Scheme) असे आहे. या योजनेअंतर्गत सरकारी रुग्णालयांमध्ये जन्म घेणाऱ्या प्रत्येक नवजात बाळाला १ ग्रॅम वजनाची सोन्याची अंगठी प्रशासनाकडून भेट दिली जाणार आहे. अधिकाधिक गर्भवती महिलांनी प्रसुतीसाठी खाजगी रुग्णालयांऐवजी सरकारी रुग्णालयांमध्ये यावे आणि त्यांना प्रोत्साहन मिळावे, हा या योजनेमागचा मुख्य उद्देश आहे.  (Gold ring )

Raj Thackeray : राजीनामा द्या आणि भाजपमध्ये सामील व्हा! राज ठाकरे विश्वास नांगरे पाटलांवर भडकले

सरकारचा असा दावा आहे कि ही केवळ एक कल्याणकारी योजना नसून, तमिळ संस्कृती आणि परंपरांशी जोडलेले एक भावनिक पाऊल आहे.

दुसरीकडे, या घोषणेनंतर एका नव्या वादालाही तोंड फुटले आहे. अनेकांच्या मते, सरकारी रुग्णालयात बाळाच्या जन्मानंतर सोन्याची अंगठी मिळणार असल्याने, मोठ्या संख्येने कुटुंबे खाजगी रुग्णालयांऐवजी सरकारी रुग्णालयांकडे वळू शकतात. अशा परिस्थितीत, ही योजना खाजगी रुग्णालयांसमोर आव्हान उभे राहण्याची चिंता व्यक्त केली जात आहे.

काय आहे ‘थाई मामन गोल्ड रिंग स्कीम’?   (Gold ring)

ही योजना तमिळ समाजातील ‘थाई मामन सीर’ या परंपरेपासून प्रेरित आहे. या परंपरेनुसार, बाळाच्या जन्मानंतर त्याचा मामा त्याला भेटवस्तू देतो. ही भेट म्हणजे बाळाची सुरक्षा, समृद्धी आणि कुटुंबाच्या प्रेमाचे प्रतीक मानली जाते. सरकारने याच सांस्कृतिक परंपरेला योजनेचे रूप दिले आहे. आता राज्य सरकारही नवजात बालकांसाठी मामाची भूमिका बजावणार असून त्यांच्या आयुष्याच्या सुरुवातीला एक विशेष भेट देणार आहे.   (Gold ring )

या योजनेची अधिकृत सुरुवात १५ सप्टेंबर २०२६ रोजी पेरालिग्नार अण्णा यांच्या जयंतीनिमित्त होईल. मात्र, याचा लाभ मुख्यमंत्री विजय यांच्या वाढदिवसाच्या तारखेपासून म्हणजेच २२ जून २०२६ पासून सरकारी रुग्णालयात जन्मणाऱ्या सर्व मुलांना मिळणार आहे. यानुसार नवजात बालकाला १ ग्रॅम सोन्याची अंगठी दिली जाईल. ही योजना राज्यातील सर्व सरकारी रुग्णालये आणि सरकारी आरोग्य संस्थांवर लागू असेल.

कोट्यवधी रुपयांचे बजेट निश्चित   (Gold ring )

अहवालांनुसार, तमिळनाडूमध्ये दरवर्षी सुमारे ४ लाख मुले सरकारी रुग्णालयांमध्ये जन्माला येतात. जर हीच संख्या भविष्यातही राहिली, तर सरकारला दरवर्षी सुमारे ४ लाख नवजात बालकांना सोन्याची अंगठी द्यावी लागेल.

नवजात बालकांना सोन्याची अंगठी देण्याच्या या योजनेसाठी राज्य सरकारने दरवर्षी कोट्यवधी रुपयांचे बजेट निश्चित केले आहे. या योजनेचा सर्वात मोठा प्रभाव आरोग्य क्षेत्रावर दिसून येऊ शकतो, कारण खाजगी रुग्णालयांच्या तुलनेत सरकारी रुग्णालयांमध्ये जाणाऱ्या लोकांची संख्या वाढू शकते.

या योजनेव्यतिरिक्त सरकारी रुग्णालयात जाण्याचे अनेक फायदे आहेत, ज्यात प्रसूतीचा कमी खर्च आणि सरकारी आरोग्य योजनांचा लाभ यांचा समावेश आहे. दुसरीकडे, तमिळनाडूची सरकारी रुग्णालये आधीपासूनच देशातील सर्वोत्तम सार्वजनिक आरोग्य पायाभूत सुविधांसाठी ओळखली जातात.

हेही वाचा: 

Sahil Goyal : 10 तास चौकशी! सख्या भावाने पोलिसांनी दिली महत्वाची माहिती; सियाच्या ‘त्या’ दाव्यावर साहिल काय म्हणाला?