Gokhale Institute Pune – गोखले इन्स्टिट्यूट ऑफ पॉलिटिक्स अँड इकॉनॉमिक्स संस्थेने विविध पदवी व पदव्युत्तर अभ्यासक्रमांच्या शुल्कामध्ये जवळजवळ दुप्पट वाढ केली आहे. ही शुल्कवाढ विद्यार्थीविरोधी, उच्च शिक्षण सामान्य विद्यार्थ्यांच्या आवाक्याबाहेर नेणारी असल्याची टीका महाराष्ट्र प्रदेश एनएसयूआयने केला आहे. ही शुल्कवाढ तातडीने रद्द केली नाही तर आंदोलनाचा इशाराही दिला आहे.

गोखले इन्स्टिट्यूटने एका वर्षात अनेक अभ्यासक्रमांचे शुल्क दुप्पट किंवा मोठ्या प्रमाणात वाढविले आहे. या संदर्भात एनएसयूआयचे महासचिव ॲड.कृष्णा साठे यांनी कुलगुरू डॉ.उमाकांत दाश यांना निवेदन सादर करून शुल्कवाढ रद्द करण्याची मागणी केली आहे. एम. ए. इकानॉमिक्स, एम.एस्सी इकानॉमिक्स, एम.एस्सी फायनानसियल इकानॉमिक्स, बी.एस्सी इकानॉमिक्स यासह अन्य अभ्यासक्रमाच्या शुल्कात वाढ झाली आहे.

“गोखले इन्स्टिट्यूटने केलेली शुल्कवाढ अन्यायकारक आहे. ही शुल्कवाढ तत्काळ रद्द करावी. शिक्षणाचे बाजारीकरण थांबले पाहिजे. विद्यार्थ्यांच्या भवितव्याशी खेळणारा हा निर्णय तात्काळ मागे घ्यावा.”
– ॲड. कृष्णा साठे, महासचिव, एनएसयूआय, महाराष्ट्र प्रदेश