Ahmedabad CWG 2030 : ग्लास्गो राष्ट्रकुल क्रीडा स्पर्धेची सांगता! भारताकडे सोपवला ध्वज; २०३० मध्ये ‘अहमदाबाद’ भूषवणार ऐतिहासिक १०० व्या आवृत्तीचे यजमानपद
Ahmedabad CWG 2030 : या सांगता समारंभात स्कॉटलंडने अधिकृतपणे राष्ट्रकुल क्रीडा स्पर्धेचा ध्वज (CWG Flag) भारताकडे सुपूर्द केला.
CWG 2026 Closing Ceremony Ahmedabad Hosting 2030 Commonwealth Games Centenary : स्कॉटलंडमधील ग्लास्गो येथे ११ दिवस चाललेल्या ‘ग्लास्गो राष्ट्रकुल क्रीडा स्पर्धा २०२६’ (Glasgow Commonwealth Games 2026) चा शानदार आणि रंगारंग सोहळ्यात समारोप झाला. या सांगता समारंभात स्कॉटलंडने अधिकृतपणे राष्ट्रकुल क्रीडा स्पर्धेचा ध्वज (CWG Flag) भारताकडे सुपूर्द केला. आता संपूर्ण जगाचे लक्ष २०३० मधील ‘शताब्दी आवृत्ती’वर असणार आहे, ज्याचे यजमानपद भारताची क्रीडानगरी ‘अहमदाबाद’ भूषवणार आहे. यासह ऑस्ट्रेलियानंतर एकापेक्षा जास्त वेळा राष्ट्रकुल खेळांचे आयोजन करणारा भारत जगातील दुसरा देश ठरेल; यापूर्वी २०१० मध्ये नवी दिल्लीत या स्पर्धा झाल्या होत्या.
भारताला मिळाला राष्ट्रकुलचा ध्वज –
सांगता सोहळ्यात सुवर्णपदक विजेती बॉक्सर जास्मिन लंबोरिया ही भारताची ध्वजवाहक होती. तर प्रिंस एडवर्ड यांनी स्पर्धेच्या समापनाची अधिकृत घोषणा केली. ध्वज हस्तांतरण सोहळ्यात ग्लास्गोच्या लॉर्ड प्रोवोस्ट जॅकलिन मॅकलारेन यांनी राष्ट्रकुलचा ध्वज कॉमनवेल्थ स्पोर्टचे अध्यक्ष डॉ. डोनाल्ड रुकारे, स्टार भालाफेकपटू नीरज चोप्रा, भारतीय ऑलिम्पिक संघाच्या अध्यक्षा पी. टी. उषा आणि गुजरातचे उपमुख्यमंत्री हर्ष संघवी यांच्याकडे औपचारिकपणे सुपूर्द केला.
𝐈𝐓’𝐒 𝐎𝐅𝐅𝐈𝐂𝐈𝐀𝐋! 🤩
IOA President PT Usha, Gujarat Deputy CM Harsh Sanghavi, and India’s golden boy Neeraj Chopra take charge of the Commonwealth Games Flag as the host duties officially shift to India for 2030! #SonySportsNetwork #SonyLIV #Glasgow2026… pic.twitter.com/E8y5jdSrHo
— Sony Sports Network (@SonySportsNetwk) August 2, 2026
भारतीय संस्कृतीचा डंका अन् ३९ पदके –
𝑨𝑷𝑵𝑨 𝑯𝑨𝑰 𝑫𝑰𝑵 𝒀𝑬 𝑨𝑨𝑱 𝑲𝑨… 𝑳𝑬𝑯𝑹𝑨 𝑫𝑶! 🎶
A powerhouse performance by Shankar, Siddharth & Shivam Mahadevan to welcome the centenary Commonwealth Games to India!💥 #SonySportsNetwork #SonyLIV #Glasgow2026 #GlasgowMeinTiranga #Cheer4Bharat pic.twitter.com/bZjZaB8EbN
— Sony Sports Network (@SonySportsNetwk) August 2, 2026
ध्वज स्वीकारल्यानंतर भारतीय कलाकारांनी स्कॉटिश कलाकारांसोबत मिळून भारतीय लोकसंस्कृती, दर्शन आणि आधुनिक भारताची दिमाखदार झलक सादर केली, ज्यामुळे संपूर्ण स्टेडियम टाळ्यांच्या गजरानी दुमदुमून गेले. भारताने संपूर्ण जगाला २०३० मध्ये अहमदाबादला येण्याचे निमंत्रण दिले.
ग्लास्गो स्पर्धेत भारतीय खेळाडूंनी अभूतपूर्व कामगिरी करत १३ सुवर्ण, १७ रौप्य आणि ९ कांस्य अशा एकूण ३९ पदकांसह गुणतालिकेत चौथा क्रमांक पटकावून ऐतिहासिक मोहिमेची सांगता केली.
