giorgia meloni: फ्रान्समधील एव्हियान-ले-बेन याठिकाणोई  मंगळवारी झालेल्या जी-७ शिखर परिषदेत प्रमुख जागतिक मुद्द्यांवर चर्चा झाली. नेत्यांनी युक्रेनला पाठिंबा पुन्हा व्यक्त केला आणि अमेरिका-इराण संबंधांमधील अलीकडील सकारात्मक घडामोडींचे स्वागत केले.

मात्र, सोशल मीडियावर सर्वाधिक चर्चेत राहिलेला संवाद हा पंतप्रधान नरेंद्र मोदी आणि इटलीच्या पंतप्रधान जॉर्जिया मेलोनी  (giorgia meloni)  यांच्यातील एक हलकाफुलका संवाद होता.

शिखर परिषदेतील एक व्हिडिओ आता सोशल मीडियावर वेगाने व्हायरल होत आहे. या व्हिडिओमध्ये, दोन्ही नेते ग्रुप फोटो काढण्यापूर्वी एकमेकांना अभिवादन करताना दिसत आहेत. त्यानंतर ते अमेरिकेचे अध्यक्ष डोनाल्ड ट्रम्प ( Donald Trump)यांच्यासह इतर नेत्यांसोबत पारंपरिक ग्रुप फोटोसाठी सामील होतात.  (giorgia meloni)

 

व्हिडिओमधील आवाज अस्पष्ट असला तरी, पंतप्रधान मोदी सोशल मीडियावरील त्यांच्या लोकप्रियतेचा उल्लेख करताना ऐकू येतात. हसतमुख जॉर्जिया मेलोनी म्हणतात, “हो, आम्ही इंस्टाग्रामवरील सर्वात प्रसिद्ध जोडपे आहोत.” दोन नेत्यांमधील हा विनोदी संवाद ऑनलाइन चर्चेत येत असून, सोशल मीडिया वापरकर्ते त्यावर गंमतीने प्रतिक्रिया देत आहेत.

Meloni to Modi after their viral Melodi toffee post got 10 million likes on Instagram

“Nice to see you again. We are the most famous on Instagram.” pic.twitter.com/Oj9Wd6WzCm

— Shashank Mattoo (@MattooShashank) June 16, 2026

दरम्यान, काही आठवड्यांपूर्वी इटली दौऱ्यावर असताना पंतप्रधान नरेंद्र मोदी यांनी रोममध्ये इटलीच्या पंतप्रधान जॉर्जिया मेलोनी यांना पार्लेची ‘मेलोडी’ कँडी भेट दिली होती. हा ‘मेलोडी’ क्षण ऑनलाइन व्हायरल झाला. हा ‘मेलोडी’ या लोकप्रिय शब्दाचा एक विनोदी संदर्भ होता.  (giorgia meloni)

जॉर्जिया मेलोनी यांनी स्वतः या भेटीचा व्हिडिओ सोशल मीडियावर शेअर केला. व्हिडिओमध्ये त्यांनी लिहिले, “भेटवस्तूबद्दल धन्यवाद.”व्हिडिओमध्ये, दोन्ही नेते भारतीय ‘मेलोडी’ कँडी हातात घेऊन या व्हायरल ट्रेंडबद्दल हसताना आणि गप्पा मारताना दिसत आहेत.  (giorgia meloni)

व्हिडिओमध्ये मेलोनी म्हणतात, “पंतप्रधान मोदींनी माझ्यासाठी भेट म्हणून खूप, खूप छान कँडी आणली आहे.” यावर पंतप्रधान मोदी हसून उत्तर देतात, “मेलोडी.” खरं तर, ‘मेलोडी’ हे नाव मेलोनी आणि मोदी यांच्या नावांचे मिश्रण आहे. २०२३ मध्ये दोन्ही नेते भेटल्यानंतर हे टोपणनाव पहिल्यांदा सोशल मीडियावर लोकप्रिय झाले. तेव्हापासून, आंतरराष्ट्रीय व्यासपीठांवर मोदी आणि मेलोनी यांच्या मैत्रीपूर्ण संवादाचे फोटो, व्हिडिओ आणि मीम्स लाखो वेळा पाहिले गेले आहेत आणि ऑनलाइन चर्चेत आहेत.