Virat Kohli retirement from test cricket : भारतीय संघाचा दिग्गज फलंदाज विराट कोहलीने कसोटी क्रिकेटमधून निवृत्ती घेतली आहे. इंग्लंड दौऱ्यापूर्वी विराट कोहलीनेही कसोटी क्रिकेटला अलविदा म्हटले आहे. विराट कोहलीच्या निवृत्तीनंतर भारतीय संघाचे मुख्य प्रशिक्षक गौतम गंभीर यांनी एक हृदयस्पर्शी पोस्ट पोस्ट केली आहे. गंभीर व्यतिरिक्त, आयसीसीचे अध्यक्ष जय शाह यांनी विराटच्या निवृत्तीनंतर एक भावनिक पोस्ट पोस्ट केली आहे.

गौतम गंभीरने विराटसाठी केली खास पोस्ट –

विराट कोहलीच्या निवृत्तीनंतर गौतम गंभीरने एक्स वर एक पोस्ट पोस्ट केली. त्याने लिहिले की विराटचा जोश सिंहासारखा आहे. जो कधीही हार मानत नाही. त्याने ट्विट लिहिले, “सिंहासारखा उत्साह असलेला माणूस! आम्हाला तुझी कायम आठवण येईल चीकू…”. पण विराट कोहली आणि गौतम गंभीर यांच्यातील संबंध फारसे चांगले राहिलेले नाही. दोघांमध्ये बराच काळ मतभेद होते. मात्र, नंतर ते भारतीय ड्रेसिंग रूममध्ये एकत्र आले आणि त्यांचे मतभेद दूर झाले.

A man with lion’s passion!
Will miss u cheeks…. pic.twitter.com/uNGW7Y8Ak6

— Gautam Gambhir (@GautamGambhir) May 12, 2025

जय शाह यांनीही विराटला दिल्या शुभेच्छा –

Congratulations @imVkohli on a stellar Test career. Thank you for championing the purest format during the rise of T20 cricket and setting an extraordinary example in discipline, fitness, and commitment. Your speech at the Lord’s said it all – you played Tests with heart, grit,… pic.twitter.com/sYBhJ5HhJI

— Jay Shah (@JayShah) May 12, 2025

विराट कोहलीच्या निवृत्तीनंतर आयसीसीचे अध्यक्ष जय शाह यांनीही कोहलीसाठी एक भावनिक पोस्ट केली. ज्यामध्येशाह यांनी लिहिले की, “विराट कोहलीला त्याच्या अद्भुत कसोटी कारकिर्दीबद्दल अभिनंदन.” जेव्हा टी-२० क्रिकेटचा युग वाढत होता, तेव्हाही तू कसोटी क्रिकेटला महत्त्व दिले आणि त्यात उत्तम शिस्त, तंदुरुस्ती आणि समर्पणाचे उदाहरण ठेवले. लॉर्ड्सवरील तुमच्या भाषणातून स्पष्ट दिसून येते की तुम्ही कसोटी क्रिकेट मनापासून, आवडीने आणि अभिमानाने खेळलात.”

हेही वाचा –Virat Kohli Retirement : रोहितनंतर विराट कोहलीचीही कसोटीतून निवृत्तीची घोषणा; भावनिक पोस्ट केली शेअर

३६ वर्षीय कोहलीने कबूल केले की हा निर्णय घेणे सोपे नव्हते. त्याने भारतासाठी १२३ कसोटी सामने खेळले आहेत, ज्यामध्ये त्याने ४६.८५ च्या सरासरीने ३० शतकांसह ९२३० धावा केल्या आहेत. २०११ मध्ये पदार्पण केल्यापासून, कोहलीने भारताला या फॉरमॅटमध्ये जगातील अव्वल क्रमांकाचा संघ बनवले आहे आणि २०१८-१९ मध्ये ऑस्ट्रेलियामध्ये ऐतिहासिक मालिका विजय मिळवून दिला आहे.