Ganesha Chaturthi 2025: देशभरात गणेशोत्सवाचा उत्साह सुरू आहे. आज गणेश चतुर्थीच्या दिवशी प्रत्येक जण आपल्या घरी बाप्पाचं स्वागत करत आहे. अशातच अभिनेत्री बिपाशा बसुने सोशल मीडियावर एक खास व्हिडीओ शेअर केला आहे. या व्हिडीओत तिची लाडकी मुलगी देवी आपल्या छोट्या हातांनी गणपती बाप्पाची मूर्ती बनवताना दिसतेय.

व्हिडीओमध्ये देवी मातीने बाप्पाची मूर्ती घडवताना खूप उत्साही दिसते. पिवळ्या कुर्ता-सलवारमध्ये आणि केसांना पोनीटेल बांधून ती फारच गोड दिसतेय. बिपाशाने व्हिडीओ शेअर करताना कॅप्शन लिहिलं, “गणपती बाप्पा मोरया”.

बिपाशा आपल्या मुलीचे असे अनेक सुंदर क्षण नेहमीच चाहत्यांसोबत शेअर करत असते. देवीची गोडी आणि तिचं निरागस हास्य पाहून फॅन्स नेहमीच तिच्यावर प्रेमाचा वर्षाव करतात.

 

View this post on Instagram

 

A post shared by Bipasha Basu (@bipashabasu)

बिपाशा बसु आणि अभिनेता करण सिंग ग्रोव्हर यांचं २०१६ मध्ये विवाह झाला. सहा वर्षांनी, नोव्हेंबर २०२२ मध्ये त्यांच्या आयुष्यात देवीचं आगमन झालं. मात्र जन्मानंतर अवघ्या तीन दिवसांतच डॉक्टरांनी सांगितलं की, देवीला वेंट्रिक्युलर सेप्टल डिफेक्ट (VSD) ही हृदयाची समस्या आहे. फक्त तीन महिन्यांची असतानाच तिच्यावर ओपन हार्ट सर्जरी करावी लागली होती.

या कठीण काळातून जाताना बिपाशा आणि करण नेहमीच धैर्याने उभे राहिले. आज देवी पूर्णपणे निरोगी आहे आणि कुटुंबासोबत प्रत्येक सण साजरा करत आहे. यंदा गणेशोत्सवात तिच्या हातांनी बनवलेल्या बाप्पाच्या मूर्तीने फॅन्सच्या डोळ्यात पाणी आणलं. अनेकांनी कमेंट करून लिहिलं,“देवी खूप गोड आहे, तिच्या कलेतून दिसतं की ती लहानपणापासूनच संस्कृतीशी जोडली गेली आहे.”