राजगुरूनगर, (प्रतिनिधी) – खेड तालुक्याचे आमदार दिलीप मोहिते पाटील यांचा वाढदिवस विविध उपक्रमांनी साजरा करण्यात आला. दरम्यान, तालुक्यातील व तालुक्याबाहेरील अनेक कार्यकर्त्यांनी, नेत्यांनी आमदार मोहिते पाटील यांना आगामी मंत्रिमंडळ विस्तारात मंत्रिपद मिळण्याची अपेक्षा व्यक्त केली. तालुकाभर त्यांच्या वाढदिवसाच्या होर्डींग आणि बॅनर लावण्यात आले होते. त्यातही भावी मंत्री आमदार दिलीप मोहिते पाटील असा उल्लेख करण्यात आला आहे. खेड तालुक्याचे आमदार दिलीप मोहिते पाटील यांचा वाढदिवस विविध उपक्रमांनी साजरा करण्यात आला. त्यांच्या निवासस्थानी असलेल्या गोमातेचे दर्शन घेतल्यानंतर आमदार दिलीप मोहिते पाटील यांच्या पत्नी सुरेखा मोहिते पाटील यांनी त्याचे औक्षण केले. त्यानंतर आलेल्या नागरिकांच्या शुभेच्छा स्वीकारण्यास सुरुवात झाली. वाढदिवसाच्या शुभेच्छा देण्यासाठी विविध पक्ष संस्था, संघटना, ग्रामपंचायती आदी क्षेत्रातील नेते, कार्यकर्ते पदाधिकारी, शासकीय कार्यालयातील अधिकारी कर्मचारी आणि तालुक्यातील सर्वसामान्य नागरिक मोठ्या संख्येने उपस्थित होते. सकाळी सहा वाजल्यापासून राजगुरूनगर येथील आमदार निवासात कार्यकर्ते नागरिकांची मोठी गर्दी झाली होती, निवासस्थानाच्या पुढे शुभेच्छा देण्यासाठी उभारलेल्या स्टेजवर नियोजनबद्ध प्रत्येक कार्यकर्त्याला आमदार दिलीप मोहिते पाटील यांना शुभेच्छा देता याव्यात यासाठी चांगले नियोजन करण्यात आले होते. यावेळी तालुक्यातील विद्यार्थ्यांना वह्या, दप्तर, भजन साहित्य वाटप करण्यात आले. त्यांच्या निवासस्थानी रक्तदान शिबिराचे आयोजन करण्यात आले होते. या शिबिराला मोठा प्रतिसाद मिळाला. तालुकाभर आमदार दिलीप मोहिते पाटील यांचा वाढदिवस नेत्र तपासणी, रक्तदान शिबिर, पैठणी आदी कार्यक्रम घेण्यात आले. जिल्हा दूध संघाचे संचालक अरुण चांभारे,भगवान पासलकर, लता गोपाळे, खेड तालुका राष्ट्रवादी काँग्रेसचे अध्यक्ष कैलास सांडभोर, भाजप तालुका अध्यक्ष शांताराम भोसले, जिल्हा परिषद सदस्य मंगल चांभारे, बाबा राक्षे, राष्ट्रवादी युवक काँग्रेस तालुका अध्यक्ष सिद्धार्थ कांबळे पुणे जिल्हा पदवीधर व केंद्रसभा संघटनेचे अध्यक्ष शांताराम नेहेरे, उद्योजक अंकुशराव जेधे, गटविकास अधिकारी विशाल शिंदे, बाजार समितीचे सभापती कैलास लिंभोरे, उपसभापती विठ्ठल वनघरे, माजी सभापती चंद्रकांत इंगवले, विनायक घुमटकर, भीमाशंकर देवस्थानचे अध्यक्ष सुरेश कौदरे, समता परिषदेचे शांताराम घुमटकर, प्रदीप कासवा, विजय भन्साळी, संतोष भांगे, सुजाता पचपिंड, पप्पू बनसोडे, सुनील वाळुंज, कांचन ढमाले, संध्या जाधव, मनीषा पवळे, मनीषा भांगे, यांच्यासह मोठ्या संख्येने नागरिक उपस्थित होते. यावेळी अनेक मान्यवरांनी मनोगत व्यक्त केले. सूत्रसंचालन योगिता पाचारणे यांनी केले. आमदाराकडून विकासाला गती आमदार दिलीप मोहिते पाटील यांनी खेड तालुक्याच्या विकासाला मोठी गती दिली आहे. गावागावात त्यांचे मोठे संघटन आहे. इतकेच काय तर त्यांच्याकडे वैयक्तिक कामासाठी अनेक लोक येतात त्यांची कामे ते त्याच क्षणी मार्गी लावत असल्याने त्यांच्यावर प्रेम करणार्या नागरिकांची संख्या खूप मोठी आहे. म्हणूनच त्यांच्या वाढदिवसाच्या शुभेच्छा देण्यासाठी तालुक्यातील मोठ्या संख्येने नागरिक उपस्थित होते.
