Thalapathy Vijay : तामिळनाडू विधानसभा निवडणुकीत मोठी राजकीय उलथापालथ पाहायला मिळाली असून अभिनेता-नेते थलपती विजय यांच्या तामिळगा वेत्री कळघम (TVK) पक्षाने दमदार कामगिरी करत १०८ जागांवर विजय मिळवला आहे. अवघ्या दोन वर्षांपूर्वी स्थापन झालेल्या या पक्षाने DMK आणि AIADMK सारख्या प्रस्थापित पक्षांना मोठा धक्का दिला. विजय यांनी आपल्या प्रचारात युवक, रोजगार, शिक्षण आणि भ्रष्टाचार यांसारख्या महत्त्वाच्या मुद्द्यांवर भर दिला होता. यामुळे तरुण मतदारांमध्ये त्यांना मोठा प्रतिसाद मिळाल्याचे दिसते. त्यांच्या प्रचारशैलीत साधेपणा आणि जनतेशी थेट संवाद याला विशेष महत्त्व होते, ज्याचा परिणाम मतदानात दिसून आला आहे. Thalapathy Vijay 1. Sarkar (2018) – हा एक दमदार पॉलिटिकल ड्रामा चित्रपट आहे. निवडणूक प्रक्रियेत होणाऱ्या गैरप्रकारांवर प्रकाश टाकत एका मताचे महत्त्व अधोरेखित करणारी ही कथा प्रेक्षकांना विचार करायला भाग पाडते. विजयने परदेशातून परतलेल्या कॉर्पोरेट प्रोफेशनलची भूमिका साकारली आहे, जो मतदान व्यवस्थेतील त्रुटींना आव्हान देतो. 2. Mersal (2017) – कमर्शियल आणि सामाजिक विषयांचा उत्तम संगम असलेला हा चित्रपट आहे. विजयने डबल रोल साकारत आरोग्य व्यवस्थेतील वाढत्या खर्चावर आणि असमानतेवर प्रश्न उपस्थित केले. या चित्रपटाने समाजावर प्रभावी भाष्य केले. 3. Thuppakki (2012) – हा एक अॅक्शन थ्रिलर चित्रपट असून राष्ट्रीय सुरक्षा आणि दहशतवादाविरोधातील लढ्याचा संदेश देतो. विजयने आर्मी ऑफिसरची भूमिका साकारत देशभक्ती आणि जबाबदारीची जाणीव प्रेक्षकांपर्यंत पोहोचवली. 4. Master (2021) – क्राइम थ्रिलर शैलीतील या चित्रपटात तरुणांमधील गुन्हेगारी प्रवृत्ती आणि मार्गदर्शनाच्या अभावाचे परिणाम दाखवले आहे. सिस्टममधील त्रुटी आणि मेंटरशिपचे महत्त्व अधोरेखित केले आहे. 5. Kaththi (2014) – शेतकऱ्यांच्या आत्महत्या, पाणी आणि जमीन यांवरील कॉर्पोरेट ताबा अशा गंभीर मुद्द्यांवर हा चित्रपट भाष्य करतो. विजयचा डबल रोल शोषणाविरुद्ध लढा देणारा ठरतो. हा एक सुपरहिट चित्रपट आहे.
