Chandgude Case : ‘जमलं तर माफ कर आम्हाला…’; कुणालच्या बहिणीची पोस्ट वाचून डोळे पाणावतील, म्हणाली “तुझे सगळे प्रॉमिसेस…”
Chandgude Case : या प्रकरणी नातेवाईकांकडून वेगवेगळे दावे केले जात आहे. अशातच कुणालच्या मावस बहिणीने सोशल मीडियावर एक पोस्ट करत कुणाच्या जाण्याचे दु: ख व्यक्त केले आहे.
Chandgude Case : छत्रपती संभाजीनगरमधील घटनेने महाराष्ट्रातून हळहळ व्यक्त करण्यात आली. चांदगुडे कुटुंबातील मुलगा, वडील आणि आई यांचा खवड्या डोंगरावरुन कोसळून दुर्देवी अंत झाला. ज्या दिवशी ही हृदयद्रावक घटना घडली. त्या दिवशी सुरुवातीला कुणाल चांदगुडे या १९ वर्षाच्या तरुणाने अॅायफोनच्या हट्टापायी आपले जीवन संपवल्याची माहिती समोर आली होती. मात्र, पोलिसांनी केलेल्या तपासात ही माहिती खोटी असल्याचे निषप्न झाले आहे.
सध्या या प्रकरणाचा पोलिसांकडून तपास सुरू असून चांदगुडे कुटुंबात अंतर्गत कलह आणि वाद असल्याचे तपासात समोर आले आहे. या प्रकरणी नातेवाईकांकडून वेगवेगळे दावे केले जात आहे. अशातच कुणालच्या मावस बहिणीने सोशल मीडियावर एक पोस्ट करत कुणाच्या जाण्याचे दु: ख व्यक्त केले आहे. त्याच्याविषयीच्या भावना व्यक्त करत तिने दोघांचा एक जुना डान्स करतानाचा व्हिडिओ शेअर केला आहे.
कुणालची बहिण अक्षराने तिच्या सोशल मीडिया अकाऊंटवरून व्हिडिओच्या माध्यमातून या प्रकरणाला घेऊन ज्या काही चर्चा सुरू आहे, यावर भाष्य करत भावूक पोस्ट शेअर केली आहे. कसं सांगू रे कुणाला या सगळ्यांना? नाही कळत कुणाला की तूसुद्धा लहानच होता. नाही विसरू शकत रे तुला कोणी…. जमलं तर माफ कर आम्हाला. नाही वाचवू शकलो आम्ही तुला. तुझे सगळे प्रॉमिसेस… आज पण लक्षात आहे माझ्या, अशा शब्दांत अक्षराने दु:ख व्यक्त केले.
View this post on Instagram
पुढे अक्षरा कुणालसोबतची आठवण सांगताना म्हणाली, तू मला अर्ध्या रात्री आवाज दे मी तुझ्या एका आवाजावर येईना असं बोलला होता तू . मंग आता?? आता मी काय करणार ?कसं सांगू मी या सगळ्यांना की तू खूप हुशार होता दुसऱ्यांना धीर द्यायचा पण सोबतच तू सेन्सिटिव्ह पण होता. तुझ्या सहनशीलताच्या पलीकडे गेलत्या ह्या गोष्टी मला माहितीये तू त्रासात होता. पण हे सगळं नको व्हायला होतं. कुणालच्या या आठवणीने आणि अक्षराच्या भावनिक हाकेने सोशल मीडियावर अनेकांना निशब्द केले आहे.
Chandgude Case
कुणालच्या बहिणीने स्पष्ट केले की, कुणालने पैशांसाठी किंवा आयफोनसाठी हे पाऊल उचलल्याचा दावा पूर्णपणे खोटा आहे. त्याच्याकडे स्वतःचा आयफोन १५ प्रो होता आणि आई-वडिलांनी त्याला लहानपणापासून कसलीही कमी पडू दिली नव्हती. तसेच जमिनीच्या वाटणीवरून किंवा बहिणीच्या नावावर जमीन केल्याच्या नैराश्यातून हे घडल्याचा आत्याचा आरोप तिने फेटाळून लावला आहे. मात्र, या दुर्देवी घटनेने क्षणात होत्याचं नव्हतं झालं आणि अख्यं कुटुंब जीवाला मुकलं. या प्रकरणात पुढे कोणती माहिती समोर येणार हे पाहणे महत्वाचे असणार आहे.
