कराची : पाकिस्तानमधील बलुतचिस्तान प्रांतात अल्पसंख्य हिंदू समुदायातील एक महिला प्रथमच सहायक आयुक्तपदी नियुक्त झाली आहे. कशिश चौधरी असे या 25 वर्षीय हिंदू महिलेचे नाव असून ती बलुचिस्तानमधील चगाइ जिल्ह्यातल्या नौशकी गावची रहिवासी आहेत. बलुचिस्तान लोक सेवा आयोगाच्या परीक्षेत ती पात्र ठरली आहे. सोमवारी, कशिशने तिचे वडील गिरधारी लाल यांच्यासोबत क्वेटा येथे बलुचिस्तानचे मुख्यमंत्री सरफराज बुग्ती यांची भेट घेतली आणि ती महिला आणि अल्पसंख्याकांच्या सक्षमीकरणासाठी आणि प्रांताच्या सर्वांगीण विकासासाठी काम करणार असल्याचे त्यांना सांगितले. कठोर परिश्रम आणि वचनबद्धतेच्या जोरावर माझ्या मुलीने सहाय्यक आयुक्त बनणे माझ्यासाठी खूप अभिमानाची गोष्ट आहे. आपल्या मुलीचे नेहमीच शिक्षण घेण्याचे आणि तिच्या महिलांसाठी काहीतरी करण्याचे स्वप्न होते, असे मध्यमवर्गीय व्यापारी असलेले लाल म्हणाले. अल्पसंख्याक समुदायातील सदस्यांनी त्यांच्या कठोर परिश्रम आणि प्रयत्नांमुळे महत्त्वाच्या पदांवर पोहोचणे ही देशासाठी अभिमानाची गोष्ट आहे. कशिश ही देश आणि बलुचिस्तानसाठी अभिमानाचे प्रतीक आहे, अशा शब्दात मुख्यमंत्री बुगती यांनी कशिशचे कौतुक केले. हिंदू मुलींचे यश वाढले… अलिकडच्या वर्षांत, पाकिस्तानमध्ये हिंदू समुदायातील महिलांनी पुरुषप्रधान क्षेत्रात उल्लेखनीय यश मिळवले आहे, त्यांनी महत्त्वाच्या पदांवर पोहोचण्यासाठी अनेक सांस्कृतिक, धार्मिक आणि सामाजिक अडथळ्यांवर मात केली आहे. जुलै २०२२ मध्ये, मनेश रोपेता कराचीमध्ये पोलिस अधीक्षक म्हणून नियुक्त झालेल्या पहिल्या हिंदू महिला बनल्या. तिथे त्या अजूनही त्यांचे कर्तव्य बजावत आहेत. तर हिंदू महिलांमध्ये सर्वोच्च स्थानावर पोहोचण्याची जिद्द आणि बुद्धिमत्ता असते, असे कराचीतील ३५ वर्षीय पोलीस उपनिरीक्षक पुष्पा कुमारी कोहली म्हणाल्या.
