Flydubai FZ1073 Hijack Foiled Indian Captain Smit Machchhar Danish Kaneria Post : दुबईहून इस्रायलच्या तेल अवीवकडे निघालेल्या ‘फ्लायदुबई’च्या (Flydubai) FZ1073 विमानाचे संभाव्य अपहरण हवेतच उधळून लावणारे भारतीय पायलट कॅप्टन स्मित माच्छर (Captain Smit Machchhar) यांच्या अफाट शौर्याची जगभरात चर्चा सुरू आहे. स्वतःच्या जिवाची पर्वा न करता कॅप्टन स्मित यांनी १७४ प्रवासी आणि क्रू मेंबर्सचे प्राण सुखरूप वाचवले. या धाडसी कामगिरीनंतर पाकिस्तानचा माजी लेग स्पिनर दानिश कनेरियाने (Danish Kaneria) एक्सवर सविस्तर पोस्ट लिहून कॅप्टन स्मित यांना कडक सॅल्यूट केला आहे.

सहवैमानिकाचा जीवघेणा हल्ला; १४,००० फुटांवरून कोसळत होते विमान!

३० सप्टेंबर रोजी घडलेल्या या घटनेत कॅप्टन स्मित यांच्यासोबत असलेल्या को-पायलटनेच विमान हायजॅक करण्याचा प्रयत्न केला होता. कॅप्टन स्मित यांनी कडाडून प्रतिकार केला असता त्याने त्यांच्यावर जीवघेणा हल्ला चढवला. गंभीर जखमी अवस्थेतही स्मित यांनी हायजॅक व आपत्कालीन सिग्नल पाठवले. झटापटीत विमान तब्बल १४,००० फूट खाली आले होते; मात्र स्मित यांनी प्रसंगावधान राखत कॉकपिटचा दरवाजा उघडला. प्रवाशांनी हल्लेखोराला पकडले आणि साध्या वेशातील दोन पायलटांनी विमानाचे सौदी अरेबियातील तबुक (Tabuk) येथे सुखरूप लँडिंग केले.

“हीच भारताची वसुधैव कुटुंबकम् भावना!” – दानिश कनेरियाची पोस्ट

Bharatiya Captain Smit Machchhar’s courage is a reminder of what humanity looks like in its finest form.

He put human lives above everything else and helped save passengers when it mattered most.

This is the spirit of India: “वसुधैव कुटुम्बकम्” The world is one family.… pic.twitter.com/Nb05a5V82m

— Danish Kaneria (@DanishKaneria61) October 1, 2026

दानिश कनेरियाने आपल्या अधिकृत एक्स हँडलवर लिहिले की, “भारतीय कॅप्टन स्मित माच्छर यांचे धाडस आपल्याला याची आठवण करून देते की माणुसकी तिच्या सर्वोच्च रूपात कशी दिसते. त्यांनी मानवी जिवाला सर्वोच्च प्राधान्य दिले आणि ज्या क्षणी सर्वात जास्त गरज होती, तेव्हा प्रवाशांचे प्राण वाचवले. हीच भारताची खरी भावना आहे— ‘वसुधैव कुटुंबकम्’ म्हणजेच संपूर्ण विश्व हेच आपले कुटुंब आहे. हिंदू धर्म आपल्याला सर्व मानवतेला एक मानणे, जीवनाचे रक्षण करणे आणि सर्वांशी समानतेने वागणे शिकवतो. द्वेष नाही, कट्टरतावाद नाही, केवळ माणुसकी! कॅप्टन स्मित माच्छर यांना माझा सलाम.”

हेही वाचा – Washington Prasidh Released : विंडीजविरुद्धच्या मालिकेदरम्यान BCCI चा मोठा निर्णय! वॉशिंग्टन- प्रसिधला संघातून वगळलं; ‘या’ खेळाडूंची एन्ट्री

मुंबईचे सुपूत्र ते फ्लाईदुबईचे कॅप्टन; ९,७५० तासांचा दांडगा अनुभव!

कॅप्टन स्मित माच्छर हे मुंबईचे रहिवासी आहेत. सुरुवातीला टेक्सटाइल इंजिनिअरिंग व मॅनेजमेंटचे शिक्षण घेतल्यानंतर त्यांनी एव्हिएशन क्षेत्र निवडले. प्रदीर्घ काळ स्पाइसजेटमध्ये सेवा दिल्यानंतर २०२२ पासून ते फ्लाईदुबईमध्ये कार्यरत आहेत. त्यांच्याकडे ९,७५० उड्डाण तासांचा (Flight Hours) प्रदीर्घ अनुभव असून त्यांच्या याच धैर्यामुळे हवेतील महाभयंकर अनर्थ टळला.