Hemlata Patil | आगामी स्थानिक स्वराज्य निवडणुकांच्या आधीच माजी नगरसेविका डॉ. हेमलता पाटील यांनी मोठा निर्णय घेतला आहे. काँग्रेसनंतर, शिवसेना (शिंदे गट) आता हेमलता पाटील राष्ट्रवादी काँग्रेस अजित पवार गटात प्रवेश करणार आहे. शिवसेना एकनाथ शिंदे गटाला अवघ्या दीड-दोन महिन्यांतच सोडचिठ्ठी दिली असल्याने हेमलता पाटील चर्चेत आल्या आहेत. आज मंगळवार 19 ऑगस्ट रोजी हेमलता पाटील यांचा राष्ट्रवादी काँग्रेसमध्ये पक्ष प्रवेश पार पडणार आहे. विधानसभा निवडणुकीत हेमलता पाटील महाविकास आघाडीकडून काँग्रेसच्या तिकिटावर नाशिक मध्य मतदारसंघातून उमेदवारीसाठी इच्छुक होत्या. मात्र तिकीट न मिळाल्याने त्यांनी नाराजी व्यक्त केली होती. यानंतर त्यांनी थेट काँग्रेसच्या प्रवक्तेपदासह सर्व पदांचा राजीनामा देत पक्षातून बाहेर पडण्याचा निर्णय घेतला होता. काँग्रेसनंतर फेब्रुवारी 2025 मध्ये हेमलता पाटील यांनी शिवसेना (एकनाथ शिंदे गट) प्रवेश केला. मात्र, दीड-दोन महिन्यांतच पक्षात शिंदे गटाला देखील राम-राम केला आहे. यानंतर आता हेमलता पाटील यांनी महापालिका निवडणुकीच्या पार्श्वभूमीवर राष्ट्रवादी काँग्रेस अजित पवार गटात प्रवेश करण्याचा निर्णय घेतला असल्याचे म्हंटले जात आहे. Hemlata Patil | दरम्यान, हेमतला पाटील यांनी राष्ट्रवादी काँग्रेस पक्षात प्रवेश करण्यामागचे कारणही सांगितले आहे. “अजित पवार हे राज्याचे उपमुख्यमंत्री आहेत. त्यांच्या कामाची पद्धत संपूर्ण महाराष्ट्राला माहिती आहे. कोणत्याही लोकहिताच्या कामासाठी ते तत्काळ निर्णय घेत असल्यामुळे त्यांच्या नेतृत्वाखाली काम करण्याचा निर्णय घेतला,” अशी भूमिका डॉ. हेमतला पाटील यांनी पक्षप्रवेशापूर्वी मांडली. Hemlata Patil | हेही वाचा: अजित पवारांनी पावसाच्या परिस्थितीचा घेतला आढावा; दोन दिवसांत पंचनामे करणार असल्याची दिली माहिती
