नवी दिल्ली – लिमा येथे २६ सप्टेंबरपासून सुरू होणाऱ्या ज्युनियर वर्ल्ड चॅम्पिअनशिपसाठी भारतीय संघ सोमवारी रवाना झाला. ही स्पर्धा रायफल, पिस्तूल व शॉर्टगनमध्ये होणार आहे. या स्पर्धेसाठी भारताचे ४० नेमबाज, १४ प्रशिक्षक व ५ अधिकाऱ्यांचे पथक रवाना झाले आहे.

मागील वर्षी दक्षिण कोरिया येथे झालेल्या स्पर्धेत भारताने ५ सुवर्ण, ७ रौप्य व ५ कांस्य पदकांची कमाई करताना दुसरे स्थान राखले होते. या स्पर्धेत चीन संघाने २८ पदकांसह पहिले स्थान मिळविले होते. त्यामुळे या स्पर्धेत पदकांमध्ये सुधारणा करण्यासाठी भारतीय नेमबाज प्रयत्नशील असतील.

We wish the Indian shooting colts all the very best as the first batch of 41 along with coaches n support staff embark upon their @issf_official Junior World Championship campaign. The junior worlds begin in Lima 🇵🇪 from Sep 26. Go for🥇 🇮🇳#JuniorWorldChampionship #Shooting pic.twitter.com/G0cBBsr2UM

— NRAI (@OfficialNRAI) September 23, 2024

या पथकात अभिनव शॉ, गौतमी भानोत, पार्थ राकेश माने, शांभवी क्षीरसागर, विभूती भाटिया, शार्दुल विहान, सबीरा हारिस, भव्य त्रिपाठी, हरमेहर सिंग लाली आणि भावतेघ सिंग गिल यांचा समावेश आहे. मुकेश नेलावल्ली पुरुषांच्या 10 मीटर एअर पिस्तूल आणि 25 मीटर रॅपिड फायर पिस्तूल या दोन प्रकारांत सहभागी होणार आहे.