Navi Mumbai Vashi Fire | ऐन दिवाळीच्या काळात वाशी येथील सेक्टर १४ मधील ‘रहेजा रेसिडेन्सी’ या निवासी संकुलात आज पहाटे भीषण आग लागली. यात ६ वर्षांच्या चिमुकलीसह ४ जणांचा मृत्यू झाला आहे, तर १० हून अधिक नागरिक जखमी झाले आहेत. शॉर्टसर्किटमुळे आग लागल्याची प्राथमिक माहिती सांगण्यात येत आहे. 10, 11, 12 व्या मजल्यावर आग लागली होती. आगीची घटना समोर येताच, वाशी, नेरुळ, ऐरोली आणि कोपरखैरणे येथील अग्निशमन दलाच्या गाड्या घटनास्थळी दाखल झाल्या. मृतांमध्ये वेदिका सुंदर बालकृष्णन (वय 6), कमला हिरल जैन (वय 84), सुंदर बालकृष्णन (वय 44) आणि पुजा राजन (वय 39) यांचा समावेश आहे. तर जखमी झालेल्या १० हून अधिक लोकांना तातडीने हिरानंदानी आणि एमजीएम रुग्णालयात उपचारासाठी दाखल करण्यात आले आहे. कामोठे परिसरात भीषण आग तर दुसरीकडे, नवी मुंबईतील कामोठे परिसर एका भीषण दुर्घटनेने हादरला आहे. सेक्टर 36 मध्ये आंबे श्रध्दा सहकारी सोसायटीत ही आग लागली होती. सिलेंडरचा स्फोट झाल्याने ही आग लागली. आंबे श्रध्दा सहकारी सोसायटीमधील रुम क्रमांक 301 मध्ये ही आग लागली होती. तिसऱ्या मजल्यावरील घरात दोन सिलेंडरचा स्फोट झाला. अग्निशमन दलाच्या पाच गाड्या ही आग विझवण्यासाठी घटनास्थळी दाखल झाल्या होत्या. Navi Mumbai Vashi Fire | इमारतीमधील दुसऱ्या मजल्यावरील घरातील तीन सदस्य बाहेर पडले. मात्र, आई आणि मुलगी आतमध्येच अडकून पडले होते. या दोघांना वाचवण्यासाठी अग्निशमन दलाने शर्थीचे प्रयत्न केले. मात्र, त्या दोघांचा होरपळून मृत्यू झाला. ऐन दिवाळसणात घडलेल्या या दुर्दैवी घटनेने परिसरात शोककळा पसरली आहे. Navi Mumbai Vashi Fire | हेही वाचा: ती पोस्ट अन् काही तासातच निधनाची बातमी; दिवंगत अभिनेते असरानी त्यांच्या शेवटच्या पोस्टमध्ये काय म्हणाले होते?
