Mira Bhayandar : मुंबईजवळील मिरा भाईंदरमधील प्लेझंट पार्क परिसरात भीषण आग लागल्याची घटना घडली आहे. या आगीने काही क्षणातच रौद्ररूप धारण केल्याने परिसरातील चार ते पाच इमारती या आगीच्या विळख्यात सापडल्या आहेत, समोर आलेल्या माहितीनुसार, कॅटरिंग साहित्य ठेवण्यात आलेल्या गोदामात अचानक आग लागली. येथे प्लास्टिक आणि कपड्यांचा मोठा साठा असल्यामुळे आग काही क्षणातच भडकली. या आगीच्या झळा जवळील इमारतींनाही बसल्या आहे. तसेच या आगीत दोन गॅस सिलेंडरचा स्फोट झाल्याचेही सांगितले जात आहे. या आगीची माहिती मिळताच अग्निशमन दलाच्या अनेक गाड्या घटनास्थळी दाखल झाल्या. ही आग आटोक्यात आणण्यासाठी गेल्या काही तासांपासून प्रयत्न सुरू असल्याची माहिती समोर आली आहे. Mira Bhayandar Pune Weather Update : पुणेकरांनो सावधान! अवकाळीनंतर आता ‘सूर्याचा प्रकोप’; पारा चाळीशीच्या उंबरठ्यावर दरम्यान, आगीचे नेमके कारण अद्याप स्पष्ट झाले नसून प्राथमिक माहितीनुसार गॅस सिलिंडर स्फोटाची शक्यता वर्तवली जात आहे. त्यामुळे आजूबाजूच्या इतरही इमारतींना मोठा धोका निर्माण झाला. या आगीत दोन ते तीन टेम्पोचे सुद्धा नुकसान झाल्याची माहिती समोर आली आहे. कोणतीही जीवितहानी नाही या घटनेत कोणत्याही जीवितहानीची माहिती समोर आली नसली तरी मोठे आर्थिक नुकसान झाले आहे. या घटनेमुळे स्थानिक नागरिकांमध्येनागरिकांमध्ये भीतीचे वातावरण निर्माण झाले असून, प्रशासनानेही परिसर सुरक्षित करण्यासाठी खबरदारीचे उपाय सुरू केले आहेत. Mira Bhayandar हेही वाचा: PMC Budget 2026 : पुणेकरांवर ‘योजनांची खैरात’! महिला आणि ज्येष्ठांना पीएमपी प्रवासात ५०% सवलत