पुणे : शिवाजीनगर येथील शिवाजी पुतळा परिसरातील देविका हाइट्स या इमारतीच्या पाचव्या मजल्यावरील टेरेसवर असलेल्या रिलायन्स कंपनीच्या टॉवरच्या केबिनमध्ये शनिवारी मोठी आग लागली. सुदैवाने कोणतीही जीवितहानी झाली नाही.

आग लागल्याची माहिती मिळताच अग्निशामक दलाच्या जवानांनी घटनास्थळी धाव घेतली. तीन होज लाईन टाकून शर्थीचे प्रयत्न करत आग पूर्णपणे विझवण्यात आली.

या कारवाईत प्रभारी तांडेल हरीश बुंदेले, फायरमन राजेंद्र महाडिक, मदतनीस कुणाल खांडरे, सुमित खरात तसेच वाहन चालक नितीन सूर्यवंशी यांनी विशेष परिश्रम घेतले. आगीचे नेमके कारण अद्याप स्पष्ट झालेले नाही. मात्र तात्काळ कारवाईमुळे मोठा अनर्थ टळल्याचे अधिकाऱ्यांनी सांगितले.