Indias Got Latent Controversy |  लोकप्रिय यूट्यूबर रणवीर अलाहबादियाने पालकांबाबत केलेल्या वादग्रस्त वक्तव्यानंतर अनेकांकडून संताप व्यक्त केला जात आहे. याप्रकरणी रणवीर अलाहबादियासह सोशल मीडिया इन्फ्लुएन्सर अपूर्व मखीजा, समय रैना आणि ‘इंडिया गॉट लेटेंट’ च्या आयोजकांविरोधात एफआयआर दाखल करण्यात आला आहे.

तक्रार दाखल करण्यात आल्यानंतर रणवीर अलाहबादिया, समय रैना यांच्यावर कठोर कारवाई करण्यात यावी, अशी मागणी केली जात आहे. ‘इंडियाज गॉट लेटेंट’ या शोमध्ये अतिशय अश्लील वक्तव्य करण्यात आल्याने मुंबईचे पोलिस आयुक्त तसेच महाराष्ट्र महिला आयोगाकडंही यासंदर्भात तक्रार दाखल करण्यात आली आहे.

गुवाहटीमध्ये गुन्हा दाखल

रणवीर अलाहबादियासह 5 जणांवर ‘अश्लीलतेला’ प्रोत्साहन देण्याचा आरोप करत गुवाहटीमध्ये गुन्हा दाखल करण्यात आला आहे. आसमचे मुख्यमंत्री हिमंता बिस्वा सरमा यांनी एक्सवर एक पोस्ट करत यासंदर्भात माहिती दिली आहे. यात, गुवाहटी पोलिसांनी काही यूट्यूबर्स आणि सोशल इन्फ्लुएंसर्स यांच्या विरोधात एफआयआर दाखल करण्यात आल्याचे सांगण्यात आले आहे. यात आशीष चंचलानी, जसप्रीत सिंह, अपूर्व मुखर्जी, रणवीर अल्लाहबादिया आणि समय रैना आदींचा समावेश आहे.

Today @GuwahatiPol has registered an FIR against against certain Youtubers and social Influencers, namely
1. Shri Ashish Chanchlani
2. Shri Jaspreet Singh
3. Shri Apoorva Makhija
4. Shri Ranveer Allahbadia
5. Shri Samay Raina and others
for promoting obscenity and engaging in…

— Himanta Biswa Sarma (@himantabiswa) February 10, 2025

या कलमांखाली गुन्हा दाखल Indias Got Latent Controversy | 
सीएम हिमंता बिस्वा सरमा यांनी पुढे म्हटले, “इंडियाज गॉट लॅटेंट शोमध्ये अश्लीलतेला उत्तेजन देणे आणि लैंगिक तथा अश्लील चर्चेत सहभागी असणे, यासाठी गुवाहटी क्राइम ब्रांचने सायबर पीएस केस संख्या 03/2025 अंतर्गत गुन्हा दाखल केला आहे. बीएनएस 2023 चे 79/95/294/296, आयटी अॅक्ट, 2000 चे कलम 67, सिनेमॅटोग्राफ अॅक्ट 1952 चे कलम 4/7, महिलांचे अश्लील प्रतिनिधित्व (निषेध) अधिनियम, 1986 चे कलम 4/6 अंतर्गत गुन्हा दाखल करण्यात आली आहे.

देवेंद्र फडणवीसांनी दिला इशारा

महाराष्ट्राचे मुख्यमंत्री तथा गृहमंत्री देवेंद्र फडणवीस यांनीही रणवीर अलाहाबादियाच्या विधानाबाबत नाराजी व्यक्त करत केली. “सर्वांना अभिव्यक्ती स्वातंत्र्य आहे, पण जेव्हा आपण दुसऱ्याच्या स्वातंत्र्यावर हल्ला करतो, तेव्हा आपलं स्वातंत्र्यही धोक्यात येतो. हे योग्य नाही. प्रत्येकाने आपल्या मर्यादेचं पालन करणं आवश्यक आहे. अश्लीलतेसाठीही काही नियम ठरवले आहेत. जर कोणी त्या मर्यादा ओलांडल्या किंवा नियम मोडले, तर त्यांच्यावर कारवाई केली जाईल,” असा इशारा देवेंद्र फडणवीस यांनी दिली.

काय आहे नेमकं प्रकरण? Indias Got Latent Controversy | 
स्टॅंडअप कॉमेडियन समय रैना चा शो ‘इंडियाज गॉट लेटेंट’काही महिन्यांपासून चर्चेत आहे. या शोमध्ये यापूर्वीही वादग्रस्त वक्तव्ये करण्यात आली आहेत. या शोच्या एका एपिसोडमध्ये आशीष चंचलानी, अपूर्व मुखीजा, रणवीर अल्लाहबादिया आले होते. या शोमध्ये रणवीर अलाहबादिया एका स्पर्धकाला आई-वडिलांविषयी अतिशय अश्लील प्रश्न विचारतो. यामुळे रणवीर अल्लाहबादियावर प्रचंड टीका केली जात आहे. तसेच त्याच्यावर कारवाईची देखील  मागणी केली जात आहे.

कोण आहे रणवीर अल्लाहबादिया?
रणवीर अलाहबादिया हा एक युट्यूबर आहे. ‘बियर बाइसेप्स’ असं त्याच्या युट्यूब चॅनेलचं नाव आहे. अनेक क्षेत्रातील दिग्गजांच्या मुलाखती त्यानं त्याच्या पॉडकास्टमध्ये घेतल्या आहेत. पंतप्रधान मोदींच्या हस्ते त्याला भारत सरकारकडून सर्वोत्कृष्ट युट्यूब कंटेट आणि मोस्ट स्टाइलिश इन्फ्लुएन्सर पुरस्कारही मिळाले आहे.

हेही वाचा: 

आता केजरीवाल पंजाबचे मुख्यमंत्री होणार? ‘या’ कारणांमुळे चर्चेला उधाण