FIFA World Cup 2026 Ticket Prices : जगभरातील कोट्यवधी क्रीडाप्रेमी ज्या क्षणाची चातकासारखी वाट पाहत होते, तो फिफा विश्वचषक २०२६ चा महाकुंभ आता अवघ्या काही तासांत सुरू होत आहे. उत्तर अमेरिका खंडातील अमेरिका, कॅनडा आणि मेक्सिको या तीन देशांच्या संयुक्त यजमानपदाखाली तब्बल ४८ संघांचा हा ऐतिहासिक थरार रंगणार आहे. भारतीय वेळेनुसार ११ आणि १२ जूनच्या मध्यरात्रीपासून या जागतिक स्पर्धेला सुरुवात होईल, जी १८ जुलैपर्यंत चालेल. मात्र, यंदाचा विश्वचषक केवळ खेळासाठीच नव्हे, तर तिकिटांच्या गगनचुंबी किमतींमुळे इतिहास रचणार आहे. थेट स्टेडियममध्ये बसून मॅच पाहण्यासाठी चाहत्यांना खिसा पूर्णपणे रिकामा करावा लागणार आहे.

पहिल्याच सामन्यासाठी ५४ हजारांचे सर्वात स्वस्त तिकीट!

यंदा अमेरिकेत फुटबॉलची लोकप्रियता आणि कमाई वाढवण्यासाठी तिकिटांचे दर चक्रावून टाकणारे ठेवण्यात आले आहेत. उद्घाटनाच्या पहिल्याच सामन्यासाठी सर्वात महागड्या ‘कॅटेगरी-१’ च्या तिकिटाची किंमत २,३०० डॉलर्स म्हणजेच तब्बल २.२० लाख रुपये आहे. तर सर्वात स्वस्त मानल्या जाणाऱ्या ‘कॅटेगरी-४’ च्या तिकिटासाठी ५४ हजार रुपये मोजावे लागणार आहेत. ग्रुप स्टेजच्या इतर सामान्य सामन्यांचे सर्वात स्वस्त तिकीट १० हजार रुपयांपासून सुरू होते, तर महागडे तिकीट ५४ हजार रुपयांपर्यंत उपलब्ध आहे.

मोठ्या संघांच्यासामन्यांनुसार या किमती आणखी वाढू शकतात –

You’d need to sell a kidney to afford attending the 2026 World Cup matches

Just compare the prices of the 2022 World Cup and the 2026 World Cup.

You’ll be paying enormous amounts of money just to attend a match in hot weather, with the possibility of games being delayed due to… pic.twitter.com/Y5Vcp8MXfC

— JASSIM THANi 🇶🇦 (@JBT_86) June 8, 2026

हेही वाचा – Iran FIFA Threat : फिफा विश्वचषकात खेळ सुरू होण्यापूर्वीच हाय-व्होल्टेज ड्रामा! थेट मॅच रोखण्याची इराणची फिफाला धमकी; अमेरिकेच्या ‘या’ नियमाने खळबळ

फायनल सामन्याचे तिकीट ६ लाखांच्या पार; कतारचा रेकॉर्ड मोडला –

१८ जुलै रोजी होणाऱ्या महाअंतिम सामन्याच्या तिकिटांचे दर तर सर्वसामान्यांच्या कल्पनेपलीकडचे आहेत. फायनल सामन्यासाठी सर्वात व्हीआयपी म्हणजेच ‘कॅटेगरी-१’ चे तिकीट तब्बल ६,३७० डॉलर्स म्हणजेच ६ लाख रुपयांपेक्षा जास्त किमतीला मिळणार आहे. तर या सामन्याचे सर्वात स्वस्त तिकीटही १.९५ लाख रुपयांचे आहे. २०२२ च्या कतार विश्वचषकात फायनलचे सर्वात महागडे तिकीट अवघे १.५ लाख रुपये (१,६०७ डॉलर्स) होते, म्हणजेच यंदा तिकिटांच्या दरात तब्बल ४ पट वाढ झाली आहे.