FIFA World Cup 2026 India Broadcast Rights ZEE : भारतातील करोडो फुटबॉलप्रेमींसाठी अखेर एक अत्यंत आनंदाची आणि बहुप्रतिक्षित बातमी समोर आली आहे. जगातील सर्वात मोठा क्रीडा सोहळा असलेला ‘फिफा विश्वचषक २०२६’ आता भारतात लाईव्ह पाहता येणार आहे. गेल्या अनेक महिन्यांपासून भारतातील प्रसारणाबाबत प्रचंड अनिश्चितता होती, कारण कोणतेही मोठे ब्रॉडकास्टर फिफाचे हक्क घेण्यास तयार नव्हते. मात्र, आता स्पर्धा सुरू होण्यास अवघा एक आठवडा बाकी असताना, भारतातील आघाडीची कंपनी ‘झी एंटरटेनमेंट’ने ऐतिहासिक बाजी मारत फिफाचे ब्रॉडकास्टिंग राईट्स आपल्या नावावर केले आहेत.

झी एंटरटेनमेंटचा फिफासोबत ३३२ कोटींचा महाकरार!

फुटबॉलचा महाकुंभ मानली जाणारी ही स्पर्धा येत्या ११ जूनपासून सुरू होत आहे. या स्पर्धेत जगातील दिग्गज खेळाडू लिओनेल मेस्सी, ख्रिस्तियानो रोनाल्डो आणि नेमार यांसारखे स्टार्स मैदानात उतरणार आहेत. ऐनवेळी ‘झी एंटरटेनमेंट एंटरप्रायझेस लिमिटेड’ने (ZEE) फिफाशी मोठा करार केला आहे. या करारानुसार, झीकडे यंदाचा २०२६ चा पुरुष विश्वचषक, २०२७ चा महिला विश्वचषक आणि २०३० चा विश्वचषक यांसह तब्बल ३९ जागतिक फुटबॉल स्पर्धांच्या प्रसारणाचे हक्क आले आहेत. हा करार अंदाजे ३.५ कोटी अमेरिकन डॉलर्स (सुमारे ३३२ कोटी रुपये) किमतीचा असल्याचे मानले जाते, जरी झीने अधिकृतपणे या रकमेचा खुलासा केलेला नाही.

FIFA and ‘Z’ announce agreement to bring FIFA World Cup 2026™ and major FIFA tournaments to audiences in India until 2034

👉 https://t.co/dbBmNav8pJ pic.twitter.com/e8FNKsncYY

— FIFA Media (@fifamedia) June 1, 2026

कुठे आणि कसा पाहता येणार फिफा विश्वचषक?

🌏 @FIFAcom and @ZEECorporate have partnered up to deliver a broad portfolio of FIFA competitions to India until 2034, including the @FIFAWorldCup and the @FIFAWWC 🏆#IndianFootball pic.twitter.com/JRFa6X3xXq

— Indian Football (@IndianFootball) June 1, 2026

भारतीय चाहत्यांना हे सर्व सामने झीच्या नव्याने सुरू झालेल्या ‘युनाईट८ स्पोर्ट्स’ (Unite8 Sports) चॅनल्सवर थेट पाहता येतील. यामध्ये:

• युनाईट८ स्पोर्ट्स १ आणि युनाईट८ स्पोर्ट्स १ एचडी
• युनाईट८ स्पोर्ट्स २ आणि युनाईट८ स्पोर्ट्स २ एचडी

या चॅनल्सचा समावेश आहे. तसेच डिजिटल प्लॅटफॉर्मवर फॅन्सना ‘झी५’ (ZEE5) या ॲपवर सामन्यांचे थेट स्ट्रीमिंग पाहता येईल.

हेही वाचा – Virat Anushka Dance : आरसीबीच्या जेतेपदानंतर विराटचा अनुष्कासोबत डान्स फ्लोअरवर थिरकला! दिनेश कार्तिकसोबत केला ‘नाटू नाटू’

जिओस्टार अन् सोनीला मागे टाकत झीने मारली बाजी!

२०२२ च्या फिफा विश्वचषकाचे यशस्वी प्रसारण करणाऱ्या ‘जिओस्टार’ (पूर्वीचे व्हायकॉम१८ नेटवर्क) ने यंदाही प्रसारण हक्कांसाठी सुमारे २ कोटी अमेरिकन डॉलर्सची बोली लावली होती, परंतु फिफाने ती ऑफर नाकारली. तर दुसरीकडे, २०१४ आणि २०१८ चे ब्रॉडकास्टर ‘सोनी पिक्चर्स नेटवर्क’ने चर्चा केली, पण अधिकृत बोली लावली नाही. अखेर झीने हा करार करून भारतात विश्वचषक दिसणार की नाही, या चर्चांना पूर्णविराम दिला आहे. यामुळे भारतीय फुटबॉलप्रेमींना इतिहासातील पहिल्यांदाच ४८ संघांचा हा भव्य विश्वचषक पाहण्याची सुवर्णसंधी मिळणार आहे.