World Cup Draws : फिफा विश्वचषकात १६ वर्षांनंतर अजब योगायोग! ५ व्या दिवशी खेळले गेलेले सर्व ४ सामने ‘ड्रॉ’; मैदानात झाले ८ गोल
World Cup Draws : पाचव्या दिवशी खेळवले गेलेले सर्वच्या सर्व ४ सामने अनिर्णित राहिलेत. या चारही सामन्यांमध्ये मिळून एकूण ८ गोल पाहायला मिळाले,
FIFA World Cup 2026 Day 5 All Matches Drawn : फिफा विश्वचषक २०२६ च्या महाकुंभातील ५ वा दिवस फुटबॉल इतिहासात एका अत्यंत अजब आणि दुर्मिळ रेकॉर्डसाठी नोंदवला गेला आहे. या दिवशी मैदानावर असा नजरा पाहायला मिळाला, जो यापूर्वी शेवटचा २०१० च्या विश्वचषकात दिसला होता. पाचव्या दिवशी खेळवले गेलेले सर्वच्या सर्व ४ सामने अनिर्णित राहिलेत. या चारही सामन्यांमध्ये मिळून एकूण ८ गोल पाहायला मिळाले, परंतु एकाही संघाला विजयाची चव चाखता आली नाही.
१. स्पेन विरुद्ध केप व्हर्डे (०-०): नवख्या संघाने रोखलं!
दिवसातील पहिल्या सामन्यात जागतिक क्रमवारीत तिसऱ्या क्रमांकावर असलेल्या बलाढ्य स्पेनचा सामना पदार्पण करणाऱ्या केप व्हर्डेशी होता. केप व्हर्डेचा हा विश्वचषकातील पहिलाच सामना होता. मात्र, आपल्या भक्कम बचावाच्या जोरावर त्यांनी स्पेनला एकही गोल करू दिला नाही आणि हा सामना ०-० असा ड्रॉ करून सर्वांना चकित केले.
२. बेल्जियम विरुद्ध इजिप्त (१-१): दुसऱ्या हाफमध्ये बरोबरी!
Matchday 5 ✔️#FIFAWorldCup
— FIFA World Cup (@FIFAWorldCup) June 16, 2026
दुसऱ्या सामन्यात बेल्जियम आणि इजिप्त आमनेसामने होते. सामन्याच्या २० व्या मिनिटाला इजिप्तच्या इमाम ओशोरने गोल करून संघाला १-० अशी आघाडी मिळवून दिली होती. मध्यांतरापर्यंत इजिप्त पुढे होता, मात्र ६६ व्या मिनिटाला बेल्जियमच्या मोहम्मद हैनीने गोल डागत सामना १-१ असा बरोबरीत आणला.
३. सौदी अरब विरुद्ध उरुग्वे (१-१): उलटफेर टळला!
🔒 AFC sides are unbeaten at the #FIFAWorldCup so far! pic.twitter.com/1d5TTEQLbd
— FIFA World Cup (@FIFAWorldCup) June 16, 2026
तिसऱ्या सामन्यात सौदी अरबने उरुग्वेविरुद्ध मोठा उलटफेर करण्याची तयारी केली होती. ४१ व्या मिनिटाला सौदीच्या अल अमिरीने गोल करून १-० अशी आघाडी घेतली. परंतु, ८० व्या मिनिटाला उरुग्वेने गोल करून सौदीचे स्वप्न भंगवले आणि सामना १-१ वर संपला.
४. इराण विरुद्ध न्यूझीलंड (२-२): गोलचा पाऊस!
दिवसातील शेवटचा सामना इराण आणि न्यूझीलंड यांच्यात झाला, जो २-२ असा बरोबरीत सुटला. न्यूझीलंडच्या एलिजाह जस्टने ७ व्या आणि ५५ व्या मिनिटाला दोन गोल करून संघाला दोनदा आघाडी मिळवून दिली. मात्र, इराणच्या रमीन रिझालन (३२ वे मिनिट) आणि मोहम्मद मोहेबी (६४ वे मिनिट) यांनी प्रत्येकी १-१ गोल करत न्यूझीलंडला विजयापासून रोखले.
