FDA Action : अन्नसुरक्षेच्या नियमांचे गंभीर उल्लंघन केल्याप्रकरणी महाराष्ट्र अन्न व औषध प्रशासनाने मुंबईतील तीन खाद्यपदार्थ विक्री केंद्रांचे परवाने निलंबित केले आहेत. यामध्ये परळ येथील डोमिनोज पिझ्झा आउटलेटचाही समावेश आहे. (FDA Action)

एफडीएच्या निवेदनानुसार, तपासणीनंतर ज्युबिलंट फूडवर्क्स लिमिटेड, जी परळ येथे डोमिनोज पिझ्झा चालवते, भांडुप (पश्चिम) येथील माझ फूड पार्सल अँड केटरिंग आणि कुर्ला (पश्चिम) येथील मुघल ढाबा यांचे परवाने किंवा नोंदणी निलंबित करण्यात आली आहे. (FDA Action)

तपासणी करणाऱ्या अधिकाऱ्यांच्या निदर्शनास आले की, पिझ्झा आउटलेटने ऑगस्टमध्ये बजावण्यात आलेल्या सुधारणा नोटीसमधील त्रुटी दूर केल्या नव्हत्या. तसेच, त्यांनी अन्नाच्या संपर्कात येणाऱ्या पॅकेजिंगच्या गुणवत्तेबाबतचे अहवाल सादर केले नाहीत किंवा उपकरणांच्या देखभालीची नोंदवही ठेवली नव्हती. (FDA Action)

फेर-तपासणीत असे आढळले की, शाकाहारी आणि मांसाहारी खाद्यपदार्थ एकाच डीप फ्रीजरमध्ये एकत्र ठेवले होते आणि चिकन व पनीर एकाच ओव्हन किंवा ग्रिलवर शिजवले जात होते. (FDA Action)

FDA Action : पुण्यात एफडीएची मोठी कारवाई; 1.13 कोटींचा गुटख्याचा साठा जप्त, 6 तास सुरू होता थरारक पाठलाग