Farmers Protest Row ।  शंभू सीमेवरील शेतकरी आंदोलनाला आज 200 दिवस पूर्ण झाले. विविध मागण्यांसाठी आंदोलक आजही त्याठिकाणी जमले आहेत. दरम्यान, या शेतकऱ्यांच्या समर्थनार्थ कुस्तीपटू विनेश फोगट त्याठिकाणी दाखल झाली. यावेळी शेतकऱ्यांनी विनेश फोगट यांचा गौरव केला. तर “मला राजकारणाचे ज्ञान नसून सर्वत्र शेतकरी असल्याने आपण याठिकाणी आलोय असे विनेशने म्हटले.

तसेच विनेश फोगटच्या म्हणण्यानुसार, “प्रत्येकजण मजबुरीतून निषेध करतो. जेव्हा विरोध बराच काळ सुरू राहतो, तेव्हा लोकांना आशा निर्माण होते. जर आपले लोक रस्त्यावर बसले तर देशाची प्रगती कशी होईल? मला वाटते की एखाद्याने आपल्या हक्कांसाठी रस्त्यावर यावे. ”

13 फेब्रुवारीपासून शेतकरी आंदोलन सुरु  Farmers Protest Row । 

आपणास सांगूया की शंभू सीमेवर 13 फेब्रुवारीपासून सर्व पिकांना MSP च्या कायदेशीर हमीसह इतर महत्वाच्या मागण्यांसाठी शेतकरी आंदोलन करत आहेत. मात्र, पोलिसांनी त्यांची दिल्ली पदयात्रा थांबवली होती. आता लवकरच खनौरी, शंभू आणि रतनपुरा हद्दीत मोठ्या संख्येने शेतकरी जमा होणार असल्याचे सांगण्यात येत आहे.

शेतकरी नेते म्हणाले, पंतप्रधान उत्तर देत नाहीत

अमृतसर जिल्ह्यातील शेतकरी नेते बलदेव सिंह बग्गा यांनी सांगितले की, सरकारशी संवाद साधण्याचा अनेक प्रयत्न करण्यात आला, परंतु प्रतिसाद मिळाला नाही. पीएम मोदींना अनेकदा पत्रेही लिहिली होती, पण तिथूनही उत्तर मिळाले नाही. सरकार शेतकऱ्यांचा आवाज दाबत आहे. 31 ऑगस्ट रोजी शंभू आणि खनौरी पॉइंट येथे शेतकऱ्यांनी मोठ्या संख्येने जमा व्हावे, असे आवाहन किसान मजदूर मोर्चाचे निमंत्रक सर्वनसिंह पंढेर यांनी केले आहे.

‘कंगना राणावतवर कारवाईची मागणी’ Farmers Protest Row । 

बॉलीवूड अभिनेत्री आणि खासदार कंगना रणौत यांच्यावरही कठोर कारवाई करण्याची मागणी शेतकऱ्यांनी केली आहे. त्यांनी भारतीय जनता पक्षाला कंगना राणौतच्या विरोधात कठोर भूमिका घेण्याचे आवाहन केले आहे, ज्यांच्या भूतकाळातील टिप्पण्यांमुळे शेतकरी समुदायामध्ये संताप निर्माण झाला आहे.