आतापर्यंत बँकेतून पैसे काढण्यासाठी फक्त स्वाक्षरीची गरज होती पण लवकरच तुम्हाला तुमचा चेहरा आणि डोळ्यांची रेटिना स्कॅन करावी लागेल म्हणजेच सरकारी बँक व्यवहारासाठी फेस आयडी आणि आयरिश स्कॅनिंगची योजना करत आहे. अर्थात काही विशेष व्यवहारांसाठी फेस आयडी आवश्यक राहणार आहे. यामुळे करचोरी कमी होईल, असा सरकारचा विश्वास आहे.

अहवालानुसार, काही मोठ्या खाजगी आणि सरकारी बँकांनी फेस आयडी आणि आयरिश स्कॅनिंग सुरू केले आहे. वृत्तसंस्था रॉयटर्सने दिलेल्या वृत्तानुसार, बँकेच्या एका कर्मचाऱ्याने नाव न सांगण्याच्या अटीवर सांगितले की, व्यवहारापूर्वी फेस आयडी पडताळणीचा आदेश अद्याप सार्वजनिक करण्यात आलेला नाही, परंतु बँकांनी त्यावर काम सुरू केले आहे.

अहवालात असे नमूद केले आहे की या प्रकारची पडताळणी अनिवार्य नाही आणि खातेधारकाकडे सरकारी ओळखपत्र, कायम खाते क्रमांक (पॅन कार्ड) नसल्यास त्याचा वापर केला जाईल. अशा फेस आयडीच्या वापराबाबत गोपनीयतेची चिंता असली तरी प्रश्न निर्माण होतील, कारण भारतात फेस आयडी, सायबर सुरक्षा, गोपनीयता याबाबत कोणताही कायदा नाही. या वर्षी प्रायव्हसी कायद्याला हिरवा कंदील मिळेल अशी अपेक्षा आहे.

असे म्हटले जात आहे की फेस आयडी आणि आयरिश आयडीचा वापर अशा प्रकरणांमध्ये केला जाईल ज्यात खातेधारकाने एका वर्षात 20 लाखांपेक्षा जास्त पैसे काढले आणि ठेवल्या असतील. फेस आयडी व्यतिरिक्त, खातेदाराला ओळखपत्र म्हणून आधार कार्ड देखील द्यावे लागेल.

डिसेंबरमध्ये, भारताच्या वित्त मंत्रालयाने भारतीय विशिष्ट ओळख प्राधिकरणाच्या (UIDAI) पत्रावर बँकांना आवश्यक कारवाई करण्यास सांगितले, ज्यात विशेषतः जेथे एखाद्या व्यक्तीचे फिंगरप्रिंट पडताळणी अयशस्वी झाले असेल तर अशा प्रकरणात फेस आयडी आणि आयरीश स्कॅनिंगद्वारे सत्यापन केले जावे. मात्र सरकार किंवा कोणत्याही बँकेकडून या अहवालावर अद्याप कोणतेही अधिकृत विधान आलेले नाही.