न्यूयॉर्क/नवी दिल्ली – जगातील सर्वात श्रीमंत उद्योगपती एलॉन मस्क यांनी अमेरिकेच्या राष्ट्राध्यक्षपदाच्या निवडणुका इलेक्ट्रॉनिक व्होटिंग मशीन म्हणजेच ईव्हीएमने न घेण्याचा सल्ला दिला आहे. त्यांनी सोशल मीडिया साइट एक्सवर एका पोस्टमध्ये लिहिले आहे.

इलेक्ट्रॉनिक मतदान यंत्रे रद्द केली पाहिजेत. मानव किंवा एआयद्वारे हॅक होण्याचा धोका आहे, जरी हा धोका कमी आहे, तरीही खूप जास्त आहे, असे त्यांनी म्हटले आहे.

मस्क यांनी अमेरिकेच्या अध्यक्षपदाचे उमेदवार रॉबर्ट एफ. केनेडी जूनियर यांची पोस्ट रिट्विट करून हे मत मांडले आहे. केनेडी ज्युनियर यांनी पोर्तो रिकोच्या निवडणुकीत ईव्हीएमशी संबंधित अनियमिततेबद्दल एका पोस्टद्वारे सांगितले होते.

केनेडी यांनी पोस्टमध्ये लिहिले, ‘पोर्तो रिकोच्या प्राथमिक निवडणुकीत ईव्हीएम मतदानादरम्यान अनेक अनियमितता उघड झाल्या होत्या. सुदैवाने पेपर ट्रेल होता, त्यामुळे समस्या ओळखण्यात आली आणि मतांची संख्या दुरुस्त करण्यात आली. ज्या भागात पेपर ट्रेल नाही तिथे काय होते याची कल्पना करा?

अमेरिकेत नोव्हेंबरमध्ये राष्ट्राध्यक्षपदाच्या निवडणुका होणार आहेत. यामध्ये राष्ट्राध्यक्ष जो बायडेन हे डेमोक्रॅटिक पक्षाकडून तर माजी राष्ट्राध्यक्ष डोनाल्ड ट्रम्प हे रिपब्लिकन पक्षाकडून उमेदवार असतील हे निश्चित मानले जात आहे.

भारतातील ईव्हीएमही ब्लॅकबॉक्स सारखे
दुसरीकडे, काँग्रेस खासदार राहुल गांधी यांनी एलॉन मस्क यांची पोस्ट रिपोस्ट करताना लिहिले की, भारतातील ईव्हीएम ब्लॅक बॉक्ससारखे आहे. त्यांची चौकशी करण्यास कोणालाही परवानगी नाही.

आपल्या निवडणूक प्रक्रियेतील पारदर्शकतेबाबत गंभीर चिंता व्यक्त केली जात आहे. जेव्हा संस्थांमध्ये उत्तरदायित्वाचा अभाव असतो, तेव्हा लोकशाही एक लबाडी बनते आणि फसवणूक होण्याची शक्यता असते, असेही त्यांनी म्हटले.