Kolhapur : पंतप्रधान नरेंद्र मोदी यांनी भारतीयांना पुढील एक वर्ष सोन्याचे दागिने खरेदी न करण्याचे, इंधन बचत आणि खाद्यतेलाचा वापर कमी करण्याचे आवाहन केले आहे. त्यानंतर सोने, चांदीचे दरही गगनाला भिडले, पण असे असले तरी हौसेला मोल नसते, याचा प्रत्यय कोल्हापुरात आला आहे. 17 मेपासून सुरू झालेल्या अधिक मास महिन्यात जावयांना मानपान देण्याची जुनी परंपरा आहे. यात जाययांना पोशाख, सोने-चांदी भेट म्हणून दिली जाते. कोल्हापूर जिल्ह्यात वास्तव्य असणाऱ्या एका धनाढ्य बापाच्या लाडक्या लेकीचं लग्न असताना लेकीबरोबर जावयाचीही हौस केली आहे. (Kolhapur) अधिक महिन्यात जावयाला देण्यात येणाऱ्या वाणासाठीसासऱ्याने आपल्या जावयासाठी तब्बल दीड किलो चांदीची कोल्हापुरी चप्पल बनवली आहे. कोल्हापूर शहरातील चांदी कारागिराने आठ दिवस परिश्रम घेऊन हा चप्पलचा जोड बनवला आहे. या घटनेची सध्या राज्यभरात जोरदार चर्चा सुरु आहे. Gold Silver Price Today: चप्पलची किंमत किती? (Kolhapur) देशभरात सध्या चांदी आणि सोन्याचे भाव विक्रमी पातळीवर पोहोचले आहेत. सध्या चांदीचा प्रतिकिलो दर तब्बल पावणेतीन लाख रुपयांच्या घरात आहे. मात्र, कोल्हापूरमधील या घटनेने हौसेला मोल नसते, हे पुन्हा एकदा दाखवून दिले आहे. कोल्हापूरचे कारागीर विक्रांत माळी यांनी आठ दिवसांमध्ये दीड किलो चांदी वापरुन ही कोल्हापूरी चप्पल तयार केली आहे. चांदीच्या या चप्पलची किंमत 4 लाख रुपये, तर मजुरी 22 हजार इतकी झाली आहे. अधिक मास 2026 तारीख आणि कालावधी (Kolhapur) यंदाचा अधिक मास रविवार, 17 मे 2026 रोजी सुरू झाला असून, सोमवार, 15 जून 2026 रोजी त्याचा समारोप होईल. हा संपूर्ण महिना भगवान विष्णूंना समर्पित असून याला ‘पुरुषोत्तम मास’ असेही म्हटले जाते. हिंदू पंचांगानुसार, ज्येष्ठ महिना अधिक मास म्हणून गणला जाणार यामुळे त्यानंतर येणारे मुख्य सण साधारण 15 ते 20 दिवस पुढे ढकलले गेले आहेत. हेही वाचा: Pune Accident: शिवसेना ठाकरे गटातील नेत्याचा भीषण अपघात, रिक्षाचालकाचा जागीच मृत्यू
